生原創(蛋包飯)

好多年前，呢間蛋包飯勁出名，今日終於有幸經過去食到喇！星期日午餐時份，1檯客都無，入門口唔洗量體温，唔洗消毒液搓手，亦都無人招呼，似1間無人店。企左1陣終於有 staff出黎問幾多位，我地坐低左，但係 staff無放低 menu, 亦都無意欲去拎 menu比我地...點樣呀，訓醒未，做唔做生意架！要客人出聲問先識比 menu...無誠意！我地點左海膽蛋包飯配忌廉汁同鰻魚蛋包飯配咖哩汁，跟餐小食有日式炸雞同餃子，飲品係迷你罐裝可樂，呢個價位係咪應該比返大罐汽水 d 客呢，比 d誠意好唔好。D野係幾好食既，忌廉汁食得出係自己打出黎，唔係買現成盒，2款蛋包飯入面都有唔少料，無呃秤。…查看更多

呢度嘅蛋包飯雖然不差，但我好感受到成間野就係一個字 「頹」。殘舊的店鋪，十年前貼到黃哂嘅獎狀，再加上烏眉瞌睡嘅staff, 想問你，你想點？蒜香和牛蛋包飯 (跟餐+滑蛋$140) 成個感覺一d 日本味都冇，似係食緊中式蒜香牛柳加左隻茶記滑蛋。其實飯係炒得唔差嘅 ,有鑊氣。不過牛柳真係好UN! 蛋係好靚仔，但冇蛋味。呢個價錢就買靚少少嘅啦！白汁有d 水準，好香，不過配中式牛柳有d 唔夾。芝士無骨雞翼 ($68)敗筆之作。好乾，冇芝士味。最後：跟餐的超級迷你可樂，真係太寒酸啦。…查看更多

I’m so egg-cited話說前排經開天后去左食左間好出名既蛋包飯叫生原創今次分別點左 鰻魚蛋包飯 同埋 一個蛋包飯蛋包飯: 呢到既蛋包飯食落一啲都唔流 同埋都好足料入面有滿滿既豚肉鰻魚蛋包飯: 入面既鰻魚餡都幾大舊 再加埋茄汁酸酸甜甜都幾開胃 同埋個蛋皮都幾簿 一吉就穿 食落都好滑重點 佢個餐包埋前菜同沙律 前菜可以揀雞翼/餃子...等Remark:百令蚊CP值真係好高Location: Tim HauPrice (10 is expensive): 6.5/10Yummy (10 is delicious): 7.5/10…查看更多

小妹好中意食日式蛋包飯🍳🍚, 自己平時係屋企都會成日整嚟食👩🏻‍🍳, 之前聽朋友講過天后有間主打食蛋包飯嘅餐廳, 即叫即製, 所以今日就決定同朋友去試下😊 E間餐廳唔算好近地鐵站🚉, 但亦唔難搵!餐廳細細間, 好有日式小鋪嘅感覺☺️, 入面有好多日本嘅玩具擺設, 感覺幾得意😃! 餐牌上都有好多款特色口味嘅蛋包飯;有肉類🥩, 有海鮮🦑, 仲有泰國冬陰功聯乘蛋包飯😆 另有輕食鍋物冷盤等等……小妹同朋友就揀左兩款蛋包飯set入面包埋野飲🥤沙律🥗加小食🥟, 而其中一份蛋包飯轉左流心蛋, 睇下有幾大分別先, 嘻嘻😁前菜沙律🥗沙律菜爽脆, 醬汁幾開胃!☺️秘汁煮牛根🐂E個小食一上枱係好好好好好香😯, 醬汁味道係類似日式煮物果種濃汁帶微甜, 絕對可以撈幾碗白飯🍚! 牛根炆得超級²軟腍, 而且好滑好順口, 仲吸哂d汁☺️, 蘿蔔同樣入味無渣! 極度推介!😋👍🏻👏🏻一口餃子🥟餃子非常夠熱, 外層鬆脆, 餡料亦好juicy!😊和牛蛋包飯配咖哩汁🐂🍳🍚入面嘅炒飯幾香有少少鑊氣, 不過不失, 但可能揀左咖哩汁有少少搶左和牛本身嘅味道😂鰻魚蛋包飯配茄汁🍳🍚E個蛋包飯我地轉左流心蛋, 果然零舍不同🤔, 佢嘅蛋好滑, 入面嘅蛋汁流落d鰻魚飯到, 瞬間整個味道都昇華左, 極度建議轉流心蛋!😋🤗…查看更多

呢間蛋包飯係天后開左好多年，上次食已經係好多好多年前，店鋪位於清風街，係甜姨姨附近，店內裝修印象中都無咩點改變，叫左兩個set另外加錢轉做流心蛋，set會跟一個小食，飲品同沙律，沙律唔錯酸酸甜甜好開胃，有d海蜇係裏面，令口感更加爽口，牛舌蛋包飯跟忌廉汁，因轉左流心蛋，入口都creamy，飯係炒好左既飯，但偏油左少少，朋友既鰻魚蛋包飯跟咖喱汁，咖喱味道唔太出，都係偏油左些少，食完都幾膩，跟餐小食牛根做得唔錯，好入味又夠淋，非常好食，餃子就中規中矩，但就好夠熱，最後餐飲既凍菊蜜，可減油膩感。其實除左蛋包飯油左少少，其他既都係用心之作，而且價錢都只係百幾蚊，已經非常豐富，值得一試。…查看更多

一路都想試食嘅蛋包飯,晚餐兩個人去叫左一個鰻魚蛋包飯,一個豬肉鍋,個飯好juicy,有粒粒饅魚係度,個鍋就好啱我食,因為又多菜又有d寬粉唯一唔太好就係價錢有d貴..…查看更多

呢間野開左咁耐都係第一次黎呢度食，咁難得2020年開餐飯，就揀左黎呢度食個LUNCH老實講，附近都好多店都係差唔多價錢，咁又難得唔洗等位，就揀左呢度啦!叫左2個蛋包飯餐，小食2客同飲品啦咁前菜係沙律，無咩特別咁啦，醬汁就少左DD既就...之後就黎左2份小食炸雞 - 呢個炸雞，好普通，好厚粉... 白色胡SO快餐都好食過佢....之後呢個先想死...秘汁煮牛根，牛根無錯既，係好入味，好軟淋淋... 但係個汁...真係好秘汁真心係我覺得個味怪既...但又講唔出係乜...咁之後主角出場啦... 蛋包飯然後黎左先知原來要加$22蚊轉流心蛋(即係一切個蛋包飯會左右跌個隻)呢個係茄汁 配 饅魚蛋包飯講返呢個飯，我個人覺得個飯硬身左少少，所以咬落去有點好乾咁，有D生米個隻FEEL個蛋皮好薄，但好OVERCOOK，所以好鞋,,,呢度扣左D分。個飯底係有點饅魚粒，但又唔知點解有點黑椒...有點怪怪的,,,之後我個個就係咖哩和牛蛋包飯呢個咖哩有點小辣係貼近返日本既感覺既，但個蛋皮都係同上面個碟一樣...個飯既味，除左多左幾粒和牛粒仔，然後... 個飯既味，2個都係黑椒底...唔知係咪我食開既所謂蛋包飯，唔會有黑椒味...所以黑椒味攪到成個飯好唔知點咁…查看更多

間嘢好低調，如果唔係見到E App做promote都唔覺有間咁嘅嘢。Order咗兩個牛蛋包飯，一個流心一個regular。睇之前嘅評論，想像中嘅流心係溏心蛋爆漿嗰隻，點知上到嚟係類似炒滑蛋嗰隻。有少少失望，畢竟流心要加$22。整體嚟講味道幾天然，唔會太鹹或者重味精味。自家製幾溫馨嘅感覺。中午好少人，肆應都叫做有禮貌，正正常常。今次有半價優惠，埋單每人約$100，都算性價比正常。但如果正價嚟食會覺得有啲貴。…查看更多

這間店是在和老婆相識第四年我們曾經在此慶祝過今天天氣比較冷，難得早收工又可以接到老婆就膽粗粗再帶老婆再試一次這一間蛋包飯的味道和她一起食飯的時候每次我也會很懷念他的笑容她的香味她給我的感覺這天我們也是一開始就叫了一瓶梅酒，會否在我們的愛情故事裏面一直也是一個比較重要的位置今天我們叫了鰻魚蛋包飯配咖喱汁，有新鮮沙律及鐵板牛舌、明太子蛋卷、一碗白飯鰻魚蛋包飯和以往一樣水準出色配上新鮮沙律及一口梅酒好像會帶到我們相識第四年的日子一樣明太子卷蛋是她最鍾情的一款、吃進口裏後就好像和老婆一起接吻一樣每一頓和她吃飯的晚餐我也非常珍惜我和她之間的緣份不知道是不是我上輩子修來的福氣讓我今生認識你，感謝店員熱情的款待…查看更多

一入去個侍應已經當我地透明，算，係出面餐牌見到小食可以揀，但個侍應無俾我地揀，個侍應完全係懶得出聲咁，我地仲以為佢唔舒服，之後我地就加28蚊嗌左個餃子，點知同我地講無四隻，得三隻加返粒咖喱角得唔得，咁都算喇，ok喇，之後最嬲個part嚟喇，我地為左流心蛋包飯嚟嘅，結果上到兩碟都係普通蛋包飯，個侍應仲要放低就即刻走，我地問返佢，佢話廚房整唔到流心之後又9秒9走左，我地再嗌返佢返嚟佢話部機整唔到啱啱先知，吓流心蛋要用機整㗎咩？同埋應該係你知嘅時候就講唔係你明知整唔到唔出聲就整左兩碟唔係我想要嘅嘢出嚟迫我地要，最離譜係隔離枱嚟左新客人，另一個侍應俾左三個choices小食佢揀，其中一個就係餃子，即係同我地落單個侍應無俾我地揀搞到我地加左錢另外嗌，極差，仲要一啲歉意都無，個態度係我整左出嚟你就要要，最後佢offer左85折，離譜到咁85折其實已經完全彌補唔到，其實好想走人但唔想浪費食物食到一肚氣都食埋佢，味道嚟正常，但鰻魚得幾粒，75蚊一碟完全唔值，個餃子都好差，又硬又無料，個迷你咖哩角完全唔想掂。我地懷疑係個侍應落漏單廚房唔肯整過所以先作個藉口話整唔到，個侍應由頭到尾都無講過一句唔好意思，嬲到癲，以後唔會再食，亦都會叫其他人唔好中伏！…查看更多

如果有意欲想試吓呢間野嘅話，請認真睇埋落去⚠️要做好失望嘅心理準備❗️我哋今次嗌咗：🥬蔬菜咖喱蛋包飯-炒飯底偏鹹，加埋咖喱汁鹹上加鹹🤭🐮和牛白汁蛋包飯-和牛油脂好香，加上白汁幾唔錯👍🏻🍳明白蛋包飯-其實係明太子蛋白，入面個炒飯底有蝦同蟹柳，都幾足料，但一樣偏鹹，明太子係pat喺出面，加埋個飯食，成件事鹹到阿媽唔認得😵🥚明太子玉子燒-玉子燒包住明太子，有少少半生熟，好食😚⭕️成間野整體偏重口味，分量唔算多，但食完有鈉超標嘅感覺😫😵😵😵一開始叫咗個蔬菜蛋包飯，加錢轉流心蛋，佢話ok🤭之後又走埋嚟話職員落單嘅時候漏咗流心蛋，可唔可以轉落個和牛蛋包飯度，其實我唔係好想，不過都係算😓個和牛飯嚟到嘅時候，都係冇流心蛋，我問咗個職員點解，佢話整流心蛋部機壞咗（其實我知佢又落錯單，亂咁作個藉口hea我）🤯最後我個明白蛋包飯(明太子蛋白）等咗半個鐘先到，途中催咗兩次，都係話整緊，敷衍了事。最後個飯嚟度，鹹到乜咁，加埋明太子，可以算係夾硬啃咗個飯佢，上面個蛋黃仲要已經穿咗。🤷🏻‍♀️食完打算埋單，又好抵死咁俾我見到隔離枱個流心蛋包飯流得好靚，當下即刻好失望，覺得呢間野借自己出名就唔認真做生意，嗰時仲要鋪面得兩三台客，都可以錯漏百出，仲要死口唔認，多多藉口，佢哋整錯咗整過份都唔肯，要我地嚟承受，真係絕對冇下次。🙅🏻‍♀️🙅🏻‍♀️另外，啲侍應都幾奇怪，上菜特別鍾意係啲好窄嘅地方上，明明另外一邊冇人坐，好多空位，都要唔出聲咁，突然間係我同另外一個陌生人中間懟碟飯出嚟，差啲撞到我一身汁🤦🏻‍♀️明白蛋包飯⭐️明太子玉子燒⭐️⭐️⭐️⭐️…查看更多

中學時就好愛既一間蛋包飯但細細個成日都嫌佢略貴🥺發現eatigo都有半價優惠我即刻9衝去食💨💨🌮冬蛋公蛋包飯+流心蛋 168HKD + 22HKD佢地既流心蛋真心好正 之前就話覺得貴唔加現家有半價優惠真係抵到爛阿喂😳蛋香夠哂重 流心夠哂流(好廢但好認真包住既飯都絕對唔惹小 炒到粒粒分明冬陰公味係跟自己既醬料嫁 裡面好似仲有配菜但又冇咩冬陰feel 係辣辣地姐🌶但係裡面既海鮮料極豐富🦐🦑一啖海鮮一啖蛋就食完一碟飯每一個set都會跟野飲同埋沙律/小食一份🙈以折後價來睇都係一百一左右就算係抵食價🤟…查看更多

呢度嘅蛋包飯，雞蛋味好香濃，比一般嘅蛋呢更加濃郁！而且加錢揀左流心蛋，當店員幫手切開個蛋包時，望住入面啲蛋漿流出黎，真係令人垂涎三尺！哈哈！另外，飯底係唔單止係炒飯底（驚喜），仲係同碎鰻魚一齊炒（十分驚喜）。咁樣炒飯就吸收曬成條鰻魚嘅鮮味，味道鮮甜！「雖然原塊鰻魚上，本來其實有好處，除左烹調速度會快啲，仲會俾人哋知道呢間餐廳係冇偷工減料，但係就會令到呢嗰個蛋味、同埋飯底、仲有個鰻魚，無左個配搭、混合嘅口感，結果係味道上略遜一籌一⋯」所以而家呢佢混合炒，將啲鰻魚切碎左，再加埋啲炒飯炒埋一齊，令到佢成個嘅味道好和諧。唯一一個美中不足嘅地方就係⋯因為個蛋味太過濃郁，所以掩蓋左個鰻魚炒飯底嘅味道，有啲可惜。要分開食⋯先可以食到鰻魚炒飯底嘅味道。不過哩個問題都不大。整體來說，可以再黎…查看更多

呢一日係我莊員嘅浸禮，咁重要嘅日子當然要去支持，但係之前就要去醫肚先！！係天后揀左一間舖頭專食蛋包飯既，有好多款唔同既選擇，而我就要左墨汁海鮮蛋包飯，配咖哩汁同流心蛋。黎到既時候第一次見到黑色既蛋包飯，食落都幾特別，有少少墨汁味，但裡面既海鮮唔太多，而且咖哩汁唔多，感覺唔夠，希望可以改善…查看更多

黎呢度食過幾次lunch，首先間鋪一入去就有陣臭味，每次叫完野都起碼要等半個鐘至九個字先有得食，實在太慢，午餐選擇少得三/四款，價錢亦唔算抵食，總括黎講係不值一試…查看更多