雲家小鍋米線 (328廣場)

營業中

休息中

主打雲南風味嘅小鍋米線，湯底有層次，選擇多，配料亦算新鮮。店內走親民風，價錢合理，平時想食得飽又唔想等太耐，係個唔錯嘅選擇。🍲 豬頸肉小鍋米線 + 腩肉 $62豬頸肉爽口彈牙，帶少少焦香，腩肉肥瘦適中，炆得入味唔會鬆散。米線煙韌，唔會煮到淋晒。湯底辣度可以調整，我揀少辣，酸酸辣辣，愈飲愈開胃！配料份量都算足，食完有滿足感～🥤 支裝豆漿 $8配埋支裝豆漿解辣一流，豆香濃郁，唔會過甜，冰凍飲落特別爽！😋 整體評價雲家小鍋米線湯底唔馬虎，配料選擇夠多，價錢合理，適合返工放飯或者想快靚正食一餐嘅時候嚟。豬頸肉同腩肉都夠誠意，豆漿又係bonus，推薦比鐘意食辣或湯粉嘅你！