容記小菜王

營業中

休息中

米芝蓮推介嘅餐廳🍴當然一定要去試吓啦，鑊氣十足嘅小炒黎到必試，入到來環境非常之舒服😌燈光光猛，環境闊落，衛生仲非常乾淨添👍🏻頭盤麻辣木耳青瓜開胃前菜，麻麻辣辣勁開胃。海皇撈粉絲勁有鑊氣嘅煲仔小菜，如果唔想食飯嘅話絕對推介呢一個粉絲煲，新鮮嘅蝦🦐，鮮甜彈牙嘅魷魚🦑仲有鮮味十足嘅蝦米，配埋清新可口嘅雜菜，彈牙嘢未嘅粉絲。連我個小朋友唔係好鍾意去酒樓食嘢都食咗幾碗，證明真係好好味😋鮑汁雜菌自家製豆腐健康嘅你一定要點呢一道菜，豆腐裏便有啲菠菜，非常健康，上邊仲鋪咗一層鮮甜嘅鮑魚汁再加一啲雜菌類，食完飽肚但唔油膩。容記第一嘴呢個第一☝️嘴，一定要試吓，酥脆嘅外皮，包住彈牙爽口嘅墨魚咀，非常之嘢味😋😋😋每一粒咬落去都索索聲，好有口感，真係食一粒又一粒。