利星火鍋海鮮小炒

營業中

休息中

今晚約咗好友響深水埗相見,諗起 晚飯好去處就諗起呢間小炒店。 於是早一日打電話嚟訂位,當坐低後員工好有禮貌地招呼我哋,之後我哋因為三人所以只係三碟小菜。 我首選揀咗個孖寶就係： 雜錦大盤花菜配錦繡紅袍魚,再加一個韭菜滑蛋蝦仁 。盤大花菜爽口再配上少量煙肉/臘腸及蝦米乾非常香口 ,另外個錦繡紅袍魚值得一試,呢條魚係用煎封煮法,皮脆肉嫩,配上番茄汁墊底,用嚟佐飯一流。其次就係個韭菜滑蛋蝦仁 ,隻蝦大大隻蛋夠滑 ；另外最後還送咗一個精美嘅鯉魚形狀桂花糕點作為呢餐飯嘅句號 。 呢間小菜館最大特色就係每樣小菜分量都係大大碟； 而且價錢亦算平民價,我哋三人食完都覺得好滿足。