窩子

營業中

休息中

慢煮手撕豬腩窩夫三文治新蒲崗人氣餐廳「窩子」嘅特色菜之一，單係睇賣相已經夠吸睛，實在太澎湃，材料勁豐富。金黃酥脆嘅窩夫係底部主角，上面放上新鮮生菜同番茄外，鋪滿手撕豬腩肉，加上一片烤得微焦嘅芝士，份量十足! 豬腩肉絲香嫩，煮得夠晒入味，非常開胃。日式海鮮大阪燒酥皮薄餅賣相實在吸引，材料多到滿瀉。以日式大阪燒加上酥皮做成薄餅，的確有創意。底層嘅酥皮薄餅脆到不得了，滿滿嘅海鮮如魷魚仔、帶子粒同蜆肉，相當足料，一絲絲嘅紅生薑係日和風味來源。加上濃郁香甜嘅大阪燒醬同蛋黃醬，仲有會舞動嘅柴魚片，脆口紫菜碎，確確實實嘅大阪燒!三重朱古力麻糬窩夫配朱古力雪糕呢款甜品絕對能得到朱古力魔歡心。窩夫外層烤得輕脆焦香，但中間原來隱藏住勁煙韌嘅麻糬，唔單止勁有韌度，仲有濃郁嘅朱古力香。窩夫上灑滿Oreo碎同大量朱古力醬，仲有大大個朱古力雪糕。充滿童年回憶。抹茶士多啤梨法式千層酥配士多啤梨雪糕輕輕切開酥皮，原來內藏抹茶醬。酥皮輕盈鬆化，士多啤梨又新鮮又夠甜。朱古力鮮奶咖啡有靚靚嘅拉花，咖啡味道香純，口感順滑，品質相當高。係舊區難得一見可以歇腳放鬆嘅小店，餐廳內放滿玩具、舊物，連枱椅都係舊時學校嘅產品，玩味十足。