影片
更多
2024-01-23
73 瀏覽
性價比：🟢🟢🟢⚫⚫🧭美食體驗：終於成功食到小白鷺餐廳喇。想食的朋友唔好係openrice度搵，要係佢地個社交平台戈果度book位，假期去的話一定要book左位先，而且係要早一、兩星期book。閒日去可以walk in，但有個風險係比人包左個場搞婚宴，有次我就係去到摸左門釘。所以閒日要去都要打左電話book位先啊🚗交通：非常難去。只有兩個選擇：1.係最近的火車站坐的士過去；2.坐佢地半小時一班的穿梭巴士。我係今次有朋友渣車先會去，實在係太過折騰喇。餐廳隔離有個好大的停車場，係餐廳食野就可以免費泊車，呢方面幾好🧑🍳服務：好優秀，店員後生又有禮貌，我估餐廳的待遇應該唔錯。店員做野主動、盡心盡力，加一服務費值得比📸打咭體驗：一般。遠無想像中咁靚同埋咁易影到相。上網搵到的相都係d kol諗到極限先影得出的「上限」，佢最值得影的位係湖邊窗位，可惜原來係背光位黎，要影得靚唔準備個反光板/燈具根本做唔到。同時，靚位經常有人坐的，要打咭唔易。附近都仲有啲打咭位值得影下，例如花海，不過其實都唔係好特別？反而食物我覺得可以影得好好睇。因為佢地的餐枱好靚，可惜戶外椅全都係金屬做，好重好重，好難去擺個靚陣影相
🧭美食體驗：終於成功食到小白鷺餐廳喇。想食的朋友唔好係openrice度搵，要係佢地個社交平台戈果度book位，假期去的話一定要book左位先，而且係要早一、兩星期book。閒日去可以walk in，但有個風險係比人包左個場搞婚宴，有次我就係去到摸左門釘。所以閒日要去都要打左電話book位先啊
🚗交通：非常難去。只有兩個選擇：1.係最近的火車站坐的士過去；2.坐佢地半小時一班的穿梭巴士。
我係今次有朋友渣車先會去，實在係太過折騰喇。餐廳隔離有個好大的停車場，係餐廳食野就可以免費泊車，呢方面幾好
🧑🍳服務：好優秀，店員後生又有禮貌，我估餐廳的待遇應該唔錯。店員做野主動、盡心盡力，加一服務費值得比
📸打咭體驗：一般。遠無想像中咁靚同埋咁易影到相。上網搵到的相都係d kol諗到極限先影得出的「上限」，佢最值得影的位係湖邊窗位，可惜原來係背光位黎，要影得靚唔準備個反光板/燈具根本做唔到。
同時，靚位經常有人坐的，要打咭唔易。附近都仲有啲打咭位值得影下，例如花海，不過其實都唔係好特別？
反而食物我覺得可以影得好好睇。因為佢地的餐枱好靚，可惜戶外椅全都係金屬做，好重好重，好難去擺個靚陣影相，搞幾搞都無心機整。
所有的凍咖啡類都唔靚，影唔到相。
好在有朋友叫左熱咖啡。老實講凍飲方面我好失望，要知道凍飲咖啡類都係要加錢的，我朋友甚至為左幫我影相，叫左杯原價既dirty，杯野上到黎後我完全唔想影。喂呢杯野直接溝埋左喎......
🍳食物搭配：以前好似有下午茶餐，依家應該無喇。我地就叫左4個lunch set，2男2女啱啱好食得哂。如果係4個男仔100%唔夠食。甜品都太貴喇，望而卻步。
牛膝薯蓉果個餐幾好食。第一次食牛膝，不枉要238元，係唔錯，不過反正都咁貴，點解比咁少薯蓉呢......薯蓉根本完全唔值錢吧
牛肉意粉同埋三文魚寬條麵都幾好食。仲有個時令魚餐係比目魚黎，果個都好味。
然而，如果有人過黎食lunch，只係叫左果個比目魚餐，肯定食唔飽。又或者只係叫左三文魚寬條麵，就太過寡淡。
如果只係兩個人黎食，好大機會中伏。多人食share番d食物就剛剛好。
埋單每人250蚊，絕對係高價lunch黎，呢個價，唔影番夠本肯定唔得啊哈。
張貼
