Potluck Eatery

第一次試呢間新開嘅cafe，用咗Openrice嘅8折訂座優惠。一入到去已經覺得餐廳好闊落好舒服，無論係情侶撐枱腳定三五之己小聚都適合！今次兩個人嚟，嗌咗香煎法式鵝肝多士、菠菜三文魚薄餅同菠菜龍蝦蟹肉意粉卷三樣嘢。首先出場嘅係香煎法式鵝肝多士，冇諗過90幾蚊就有兩塊咁大嘅鵝肝！鵝肝入口即溶，充滿油香味。夾埋水蜜桃同蒜香多士唔會太膩，作為前菜啱啱好。跟住輪到菠菜三文魚薄餅，好鍾意呢度個pizza底做到咁薄，唔會太頂肚。佢嘅芝士同一般餐廳唔同，味道比較淡，同幾軟熟。最後嘅係菠菜龍蝦蟹肉意粉卷，係最令人驚喜嘅一道菜！意粉皮入面包住嘅係啖啖龍蝦肉！塞得滿到連切開都要花啲力氣。忌廉蕃茄汁味道濃郁。下次應該會約多幾個朋友，咁先可以試多幾樣嘢。