泰樂小排檔

營業中

休息中

星期五晚同朋友去左油麻地食晚飯，去左食泰國野，泰樂小排檔。餐廳喺油麻地A2出口，一出轉彎就見到，非常方便。餐廳細細，座位都唔少，裝修簡約。menu都幾多樣化，沙律，小食，炒麵等都都有。我地叫左泰式炒金邊粉(虎蝦) 份量正常，金邊粉較幼身，麵質食落有咬口。加埋青檸汁，花生碎，芽菜，食落酸酸甜甜，清新爽口，口感覺幾豐富。虎蝦咬落爽口，肉質都幾彈牙青咖喱 軟殼蟹上碟賣相唔錯，軟殼蟹份量足，有兩隻再分半。外脆內軟，保持到咬口。青咖哩重椰奶味，質感順滑，味道帶微辣，另有雜菜，豆角，椰菜花，西蘭花，蘿蔔，粟米芯等。 建議另叫白飯，青咖喱汁餸飯一流。飲品叫左一杯 龍眼冰 飲落清新解膩，龍眼香甜，甜味適中，幾開胃。餐廳多選擇，食物質素唔錯，服務都非常好。