影片
更多
2023-01-19
37 瀏覽
之前屋企人透過OpenRice訂座及選擇了生日優惠，今日我生日正日（2023年1月19日星期四）同屋企人嚟呢度食晏。訂座嘅時候已經睇清楚條款「當月生日顧客可獲全單九折，可兌換日期係2023年1月3日至1月21日，週一至週四，週日」。我哋叫咗一份set lunch，另外喺À la carte餐牌，叫咗幾樣其他食物，全張單食咗$647。之後問餐廳一個女職員，係咪要跟OpenRice生日優惠其中一個條款咁樣「讚好佢哋嘅社交平台，同埋加入成為會員」先至可以有全單九折優惠。佢話其實冇呢個優惠啦，已經同寫字樓講過，佢哋仲未拎走OpenRice呢個優惠。另外，就算有都只不過係晚飯先至有，同埋À la carte先至有，set lunch冇㗎。我覺得好奇怪，OpenRice上邊寫嘅條款根本冇咁寫，不過唔緊要，如果真係set lunch冇，咁可以扣起嗰幾十蚊set lunch嘅錢，其他À la carte所叫嘅食物就應該有九折優惠。佢話冇得咁，只要張單入邊有任何嘅set lunch都唔可以得到生日優惠嘅九折。其實九折只不過係幾十蚊，小事一宗，我當然唔會同佢爭論。問完佢之後我都仲叫咗另一個À la car
我哋叫咗一份set lunch，另外喺À la carte餐牌，叫咗幾樣其他食物，全張單食咗$647。之後問餐廳一個女職員，係咪要跟OpenRice生日優惠其中一個條款咁樣「讚好佢哋嘅社交平台，同埋加入成為會員」先至可以有全單九折優惠。佢話其實冇呢個優惠啦，已經同寫字樓講過，佢哋仲未拎走OpenRice呢個優惠。另外，就算有都只不過係晚飯先至有，同埋À la carte先至有，set lunch冇㗎。我覺得好奇怪，OpenRice上邊寫嘅條款根本冇咁寫，不過唔緊要，如果真係set lunch冇，咁可以扣起嗰幾十蚊set lunch嘅錢，其他À la carte所叫嘅食物就應該有九折優惠。佢話冇得咁，只要張單入邊有任何嘅set lunch都唔可以得到生日優惠嘅九折。
其實九折只不過係幾十蚊，小事一宗，我當然唔會同佢爭論。問完佢之後我都仲叫咗另一個À la carte食物。不過我覺得呢間餐廳用呢種優惠嘅方法吸引客人，到現場嘅時候就話冇，同埋係寫字樓有錯，絕對唔要得。喺OpenRice上面嘅優惠唔係已經寫咗好多個月或者一年，係寫得清清楚楚2023年1月3日至1月21日，咁點會係寫字樓搞錯咗同埋冇呢？如果係晚飯時段先有，又或者À la carte先至有，都應該寫明。
我寫呢個食評嘅目的，係希望其他網友清楚知道其實生日優惠係唔存在嘅。唔想大家誤會或者失望（中伏）。希望餐廳（寫字樓？）可以盡快更正OpenRice嘅內容，以免誤導網友。
補充一下，食物質素OK，亦都明碼實價。同埋餐廳入面一位男職員都幾體貼，我哋叫咗一碟炒飯，佢主動問我哋要唔要兩隻碗同埋羹，抵讚！
張貼
