勁餃笑

營業中

休息中

餐廳嘅餃子好多款式，而且全部手工包晒，價錢又唔貴！喺黃埔花園呢一個美食之地，都有立足之處！煎餃八隻：鮮蝦帶子豬肉餃、大葉雞肉，真係煎得外脆內裏爆汁，餡料好飽滿！鮮蝦帶子真係貨真價實架，比多$8真係唔過分。另外仲可以優惠價加購皮蛋醬拌麵，少少辣都幾開胃，而且皮蛋嘅味道好香，撈一撈夠惹味！當然唔少得佢嘅小食，今次揀咗醉雞翼，四隻都幾肥大，花雕酒味處理得唔錯，唔會太重身！湯餃用上冇味精嘅湯底，所以揀咗兩款比較清新啲，包括韭菜豬肉餃同埋白菜豬肉餃。湯餃外皮煙煙韌韌，蔬菜嘅清新加上豬肉同樣好食！小食方面就揀咗佢嘅花甲粉，花甲隻隻都開口，底部仲有金菇同粉絲，索哂湯汁～另外食得辣，當然要返啲滋潤嘅飲品清清喉嚨，餐廳自家製嘅金羅漢果白茶仲要用咗鋁罐包裝，非常之有心思！餐廳小店嘅風格非常和風，入到去已經掛住動漫嘅音樂，四周圍都擺滿咗好精緻嘅擺設。