紅星餐廳

營業中

休息中

老公興致勃勃話要去試北角間紅星餐廳午餐! 因為佢見食評好高，非一般豉油西餐，所以由屋企搭幾個站叮叮過去開餐😁。入去見裝修很懷舊，店員服務很親切🥰。而且我地正12點到，當時只有一枱客，所以店員俾左張卡位我地坐，但要一點還枱🫣。心諗一個鐘都應該夠時間食完，所以立即點餐。我叫左我至愛牛脷配薯菜 ($80)，老公叫香煎鱸魚跟意粉($80)。我地每人仲加$40升級要埋湯，細沙律同甜品(因為跟餐只有飲品)。我叫洋蔥湯，味道唔錯，洋蔥清甜。老公叫雜菜湯，正常無乜特別! 沙律菜我就只係食左小小，因為怕洗得唔乾淨😅 到主菜厚切牛脷，第一件算煎得香同柔軟，但第二同第三件就有一半係硬到咬唔到，最後放棄咗😑，只係食埋啲薯蓉就算! 相反老公碟煎鱸魚就非常美味，皮脆肉滑，食到佢讚不絕口😋! 甜品係芝士蛋糕，正常質素，冇太大驚起😝 最後我叫左鮮橙earl grey tea, 老公就black coffee。我地只係食左40分鐘，所以比預期早還枱! 我個人覺得整體不過不失，無其他食評講得咁驚為天人😂 應該未必再有機會幫襯 🙈