紅星餐廳

成日聽朋友講話有間懷舊西式餐廳好掂，終於約到時間一齊試。入到去滿滿的舊香港情懷，復古燈光配木枱木椅，瞬間穿越返70年代老香港西餐廳，氣氛滿分！款款都想試，最後索性豪啲，一次過叫咗成枱嘢。-🥩 鐵板美國牛封門柳（鮮菇燒汁）$130封門柳夠晒淋身，七安士份量啱啱好，肉味濃得嚟唔會韌。鮮菇燒汁撈埋薯蓉一齊食，-👑 美國安格斯牛肉眼扒（黑松露燒汁）$20010安士超大塊！肉眼扒脂肪分布靚，切開仲係粉紅色，黑松露燒汁超濃郁，每一啖都係奢華享受。呢個價錢好抵食！琺瑯鍋慢煮牛面珠墩肉配紅糙米飯牛面珠燉得夠耐，夾起嚟成舊肉都係入口即溶，汁收得夠靚，仲有隻溫泉蛋撈飯一流。紅糙米飯煙煙韌韌，唔會太硬，配埋個汁一齊食真係好啱。*update 5-course set $40 跟沙律杯、餐湯、餐飲、甜品🥗 凱撒沙律沙律菜新鮮爽脆，芝士味香濃，煙肉煙韌有咬口，加埋提子乾同沙律醬，層次豐富，開胃之選！🧀西班牙巴斯克芝士蛋糕表面焗至焦香，中間少少流心口感。芝士味濃郁但唔會太重，甜度啱啱好，係會想一食再食嗰種。呢間餐廳真係有驚喜，由主菜到小食都好有心機，唔會有啲行貨味。環境舒服，服務人員都好有禮。成晚食得超滿足，之後一定會再嚟，尤其係個蘑菇湯同巴斯克芝士蛋糕，實要encore‼️😛紅星餐廳 (北角)北角英皇道668號健康村2期UG樓UG10號舖…查看更多

近北角圖書館同街市斜對面，都幾多附近街坊幫襯。餐廳係懷舊復古風嘅老牌扒房格局，有質感既高背椅，精緻水晶燈，仲有古典搖擺鐘，舊時香港嘅高級西餐廳，優雅又帶點懷舊feel。近年周街都係所謂新派冰室，呢d算買少見少了。難得加上店員服務貼心，好有親切感。menu都感受到對食客既誠意，餐牌選擇多到爆，鴨、魚、豬手、牛扒、羊扒、海鮮飯、鐵板牛脷、牛尾，感覺有d癲，乜都有！！😆街坊生意，價錢又唔貴。行過附近，呢間真係食得過👍❣️🦆 法式油封鴨腿配煙肉 呢道油封鴨腿係皇牌！鴨髀皮薄脆，咸香撲鼻，入口微焦好香口，內裏鴨肉鮮嫩多汁，唔會乾柴。配上香橙黑加侖子忌廉汁，醬汁酸甜濃郁，橙香突出，杰身得黎好平衡鴨肉嘅油膩，調味啱啱好。🐟 鑊仔燴香煎鱸魚扒配蕃茄肉醬 鱸魚扒煎得外脆內嫩，連魚皮，魚皮無散架！！！魚肉鮮滑唔腥，配上蕃茄肉醬（可揀辣或唔辣），辣既幾惹味。好欣賞呢度既飯用紅糙米添！健康又有咬口，吸晒醬汁。🐂 🍷琺瑯鍋紅酒雜菜炆牛尾 牛尾炆得軟腍入味，肉質鬆化，輕輕一咬就散開，紅酒醬汁濃郁香醇，帶點雜菜嘅清甜，味道層次豐富。琺瑯鍋保溫一流，食到最後都熱辣辣，配飯一流！🍲 紅菜頭忌廉湯 餐湯日日唔同，嗰日咁啱紅菜頭忌廉湯。本身個人麻麻地紅菜頭，但有驚喜佢處理得唔錯！無平時食紅菜頭陣草腥味，紅菜頭打爛得細滑，佢應該仲溝左少少粟米，估唔到咁夾！入口鮮甜清新。飲飲下我竟然飲晒個紅菜頭湯！😋🍰 Basque Burnt Cheesecake餐+$20就有埋個Cheesecake,真心抵！平時一塊Basque Burnt Cheesecake閒閒地5,60蚊，表面微焦香氣濃，內裏creamy雖然唔算好軟心，但甜度適中，食完好滿足！懷舊扒房，街坊價錢，又咁有人情味既小店，買少見少！真係要食多d呢類小店🩷👍…查看更多

這天來到北角找吃的，位於鰂魚涌與北角之間的Red Star迅速吸引了我的眼球。餐廳地圖顯示鰂魚涌的地鐵站出口是最接近的，但今次我由北角那邊過來，地方不算很難找，如天氣不太熱由北角行過來是可接受的。雖然當日太陽並不太猛烈，但是天氣頗潮濕以致流了不少汗，幸好餐廳的冷氣足夠，而內進餐廳留意到裝潢行深色懷舊風格，樓底高感覺舒服。到達時已是下午茶時間，菜式與午餐相似，只是下午茶餐的價錢會更優惠，當然份量也會細一點啦。無論是午餐或是下午茶餐牌上的食物選擇眾多，絕對有選擇困難症，而以這個價錢食到西餐我也有點期待。在云云吸引的菜式裡面，我最後選擇了香煎豬梅扒配山葵芥末指蜜糖忌廉汁跟意大利粉($45)，菜式的外貌絕不馬虎。有一定厚度的豬梅扒煎得外脆內軟，逼出豬油香氣更甚。我選這個醬汁跟豬梅扒未必最夾，但有少少芥末味得來又有點甜甜的感覺幾得意，若你有興趣來些新穎有趣的味道可以一試。另上的意粉偏幼身，但又未幼得如天使麵一般，保持了一定的口感，而她們意粉的瀝水功夫做得亦不錯。雖然餐廳食物定價相宜，但是質素和環境也絕不馬虎。很喜歡她們所營造的氣氛，特別是背景一直播著70至80年代的西方懷舊金曲，讓客人在一個放鬆的環境下舒服地用餐，性價比高。其實在用餐的時候餐廳有給我一些熟悉的感覺，之後在上網一查，發覺原來Red Star跟我幾年前在筲箕灣吃過的The Starred大概是一樣的，無論是食物還是氣氛；若我常在附近出沒，大概會經常來這兩間餐廳光顧！…查看更多

充滿期待地想試這間餐廳 結果好失望 一入到去問男侍應要杯水 佢話冇杯 我出去食過咁多間餐廳 第一次聽 ，咁唔緊要 我問可否要一碗水 佢話我地唔會咁做囉！ 餐點冇得叫水 因為我跟餐選了湯 ，我都唔知點， 出面30度， 我特登坐車去試， 真係好口乾 ，跟著我再問佢你可否俾杯水 跟著佢話阿姐洗緊杯 有都俾你啦！佢一啲禮貌都冇，我結果出去出画買水飲 之後再經麥當勞拎咗個杯入去 佢有jar 水 但係真係冇杯,真係吹漲，以後都唔會去 ，如果你要飲水 記得飲完先入去食 或者自己帶。仲有佢個薄切牛好難食 今日真係食到一肚子氣…查看更多

叫左晚餐3號鑊仔香煎鱸魚扒意大利蕃茄蓉醬配紅糙米飯&5號牛肝菌黑松露醬忌廉意大利飯，兩個餐都各加$40變全餐，有沙律，湯，芝士蛋糕&飲品，其實變全餐都幾抵，全因個芝士蛋糕幾好食沙律菜算新鮮,係d黑醋少咗d雜菜湯正常，唔咸調味啱啱好，最伏係後面既紫薯忌廉湯，飲落去好奇怪，加d糖可以變甜品🤔鱸魚扒煎得好香，遠距離都可以聞到，而且好大嚿，魚皮煎都好脆，魚肉唔老，可惜既係個source真係麻麻地，勁似某牌子既減鹽減糖嘅番茄醬調味ok，不過黑松露個味唔係咁出，而且份量有d少，擺碟都唔算吸引，似頹飯feel，收呢個價錢唔值今餐最好食嘅係呢個芝士蛋糕，比出面酒店級數唔會遜色綜合評分:其實食物質素可以再做好啲，環境只算合格，因為多客情況下,都幾擠迫下…查看更多