影片
更多
2023-04-27
16 瀏覽
今日又去搵朋友打機，佢屋企樓下商場樓下有間日本拉麵店之前食過都好滿意，今次上去前先自私再幫襯下！今次見到佢有個期間限定嘅黑蒜油札幌味噌拉麵，緊係要試一試。等拉麵期間靜靜睇先發現原來呢間小店鋪內有咁多貓貓擺設，除左顯眼嘅牆身貓貓相，原來窗邊位放左好多小貓仔。拉麵即製，場內都唔少人，所以都要等一陣。轉頭拉麵送上，黑蒜味道香噴噴撲鼻，先飲啖湯，非常濃郁，配料都好多，有粟米荀、半熟蛋 、紫菜同木耳絲，主角火炙豚肉當然係我最欣賞，輕輕燒過更加香，而且半肥瘦啱晒我口味！佢嘅糖心蛋都好出色，好滑溜，好味道。拉麵我揀左唔好太淋，煮得剛剛好，有少少韌度比較有口感，正！呢間絕對可以encore再encore, 希望佢之後多D新口味！
今次見到佢有個期間限定嘅黑蒜油札幌味噌拉麵，緊係要試一試。
等拉麵期間靜靜睇先發現原來呢間小店鋪內有咁多貓貓擺設，除左顯眼嘅牆身貓貓相，原來窗邊位放左好多小貓仔。
拉麵即製，場內都唔少人，所以都要等一陣。轉頭拉麵送上，黑蒜味道香噴噴撲鼻，先飲啖湯，非常濃郁，配料都好多，有粟米荀、半熟蛋 、紫菜同木耳絲，主角火炙豚肉當然係我最欣賞，輕輕燒過更加香，而且半肥瘦啱晒我口味！佢嘅糖心蛋都好出色，好滑溜，好味道。拉麵我揀左唔好太淋，煮得剛剛好，有少少韌度比較有口感，正！
呢間絕對可以encore再encore, 希望佢之後多D新口味！
張貼
