影片
更多
2020-11-20
85 瀏覽
可以話對馬鞍山嘅餐廳瞭如指掌，話哂都住左十幾年~ 依間餐廳嘅前身都係一間西餐廳，定位就比較高。而今次依間同樣都係西餐，價錢就低少少，大眾化啲。用餐環境偏暗，帶少少工業風，衛生幾好，坐得都算舒服😌 夜晚嘅食物款式幾齊全，意粉，漢堡，扒，意大利飯個啲都會有，仲有自家製甜品可以加配添~-脆炸軟殼蟹香蒜魷魚圈墨汁扁意粉($88) 餐廳職員話依款比較多人揀。見到意粉上面有成隻手掌咁大隻嘅原隻軟殼蟹✋🏻外層炸得好脆口，但炸粉可以再薄少少~ 咬入去都多汁而且唔會腥🦀 墨汁意粉嘅蒜香味可以再重啲，同埋食食下會比較乾身。*美國極佳安格斯大草原自然牛肉眼配燒汁($248) 意粉另加$10~ 生熟程度可以選擇5/7成，冇3成嘅？因為塊扒偏薄所以比較難做到三成。牛扒就應該用pan去煎並非grill，因為冇grill mark，香味始終爭少少🤣 size就幾大塊，肉質幾嫩易咬開，叫左七成入面仲keep到少少粉紅👍🏻 牛味算濃，但如果塊牛扒厚身啲會更開心🥳*咖啡芝士餅(+$18) 係餐廳自家製甜品。見廚窗嘅cake有四五款，加錢係正常件裝size嘅一半，所以有啲細個。咖啡味都算突出☕️ 幾有層次。*朱古力香蕉忌廉薄
-
脆炸軟殼蟹香蒜魷魚圈墨汁扁意粉($88) 餐廳職員話依款比較多人揀。見到意粉上面有成隻手掌咁大隻嘅原隻軟殼蟹✋🏻外層炸得好脆口，但炸粉可以再薄少少~ 咬入去都多汁而且唔會腥🦀 墨汁意粉嘅蒜香味可以再重啲，同埋食食下會比較乾身。
*
美國極佳安格斯大草原自然牛肉眼配燒汁($248) 意粉另加$10~ 生熟程度可以選擇5/7成，冇3成嘅？因為塊扒偏薄所以比較難做到三成。牛扒就應該用pan去煎並非grill，因為冇grill mark，香味始終爭少少🤣 size就幾大塊，肉質幾嫩易咬開，叫左七成入面仲keep到少少粉紅👍🏻 牛味算濃，但如果塊牛扒厚身啲會更開心🥳
*
咖啡芝士餅(+$18) 係餐廳自家製甜品。見廚窗嘅cake有四五款，加錢係正常件裝size嘅一半，所以有啲細個。咖啡味都算突出☕️ 幾有層次。
*
朱古力香蕉忌廉薄餅(跟餐附送) 一開始職員話係朱古力pancake ，令人聯想起鬆軟熱呼呼嘅🥞，上枱原來係crepe🤣 外層煎得過火左，好乾有啲鞋口，對摺左之後變到半個手掌咁上下size，更加難咬開😹 入口有好少嘅朱古力醬，有啲失望，不太推薦
張貼
