影片
更多
2022-02-13
95 瀏覽
呢間新餐廳位於尖沙咀海旁K11 Musea，落地窗可以望住維港景色嘆美食，淨係呢個景色都為美食加分不少. Lunch set 定食都包左沙律、茶碗蒸、漬物、麵豉湯、日本飯及甜品茶碗蒸有一層高湯係面，以香菇片、白果、毛豆、蟹肉等等食材製作，所以蛋味道更鮮味而口感好滑溜。沙律加左柚子醋好清爽，前菜係小松菜、豆腐卜加金筍絲。燒原條蝴蝶鯖魚御膳（$238）呢條魚係黎自瀨戶內海嘅鯖魚🐟，廚師以日本傳統一夜干做法製作，蝴蝶型對切後灑上鹽曬到半乾後燒至金黃。師傅嘅刀工對火喉熟練度缺一不可，魚食落無腥微咸，加埋一邊嘅柚子醋汁更帶出魚鮮，香而不膩另外碗白飯都令成個定食生色不少，睇落平平無奇嘅一碗白飯其實係用左日本新潟縣產嘅越色吹米，個口感軟中帶微彈性唔黏口，帶米嘅香甜日本蔥油吉列日本黑豚豬扒御膳 $268用左日本沖繩黑豬，食得出豚肉本身嘅香味，肉質亦較為細嫩帶微彈性。雖然以吉列方式脆炸，卻唔會覺得油膩，食落鬆脆，炸粉皮薄咬開亦唔會炸皮分離。而特別係佢用左廣東式蔥油嘅做法，加左日本白蔥、青蔥同芝麻，食落好有蔥香，加埋吉利黑豚嘅脆嫩，口感味道都好豐富，唔駛點吉利醬已經好滋味除左主食仲叫左串燒試試牛舌啡菇串
可以望住維港景色嘆美食，淨係呢個景色都為美食加分不少.
Lunch set 定食都包左沙律、茶碗蒸、漬物、麵豉湯、日本飯及甜品
茶碗蒸有一層高湯係面，以香菇片、白果、毛豆、蟹肉等等食材製作，所以蛋味道更鮮味而口感好滑溜。沙律加左柚子醋好清爽，前菜係小松菜、豆腐卜加金筍絲。
燒原條蝴蝶鯖魚御膳（$238）
呢條魚係黎自瀨戶內海嘅鯖魚🐟，廚師以日本傳統一夜干做法製作，蝴蝶型對切後灑上鹽曬到半乾後燒至金黃。師傅嘅刀工對火喉熟練度缺一不可，魚食落無腥微咸，加埋一邊嘅柚子醋汁更帶出魚鮮，香而不膩
另外碗白飯都令成個定食生色不少，睇落平平無奇嘅一碗白飯其實係用左日本新潟縣產嘅越色吹米，個口感軟中帶微彈性唔黏口，帶米嘅香甜
日本蔥油吉列日本黑豚豬扒御膳 $268
用左日本沖繩黑豬，食得出豚肉本身嘅香味，肉質亦較為細嫩帶微彈性。雖然以吉列方式脆炸，卻唔會覺得油膩，食落鬆脆，炸粉皮薄咬開亦唔會炸皮分離。
而特別係佢用左廣東式蔥油嘅做法，加左日本白蔥、青蔥同芝麻，食落好有蔥香，加埋吉利黑豚嘅脆嫩，口感味道都好豐富，唔駛點吉利醬已經好滋味
除左主食仲叫左串燒試試
牛舌啡菇串 $108/串
以薄切牛舌再包住大啡菇，師傅刀功好到就咁第一眼睇都以為係普通平時食開厚切嘅牛舌串燒。
咬落先係牛舌嘅焦香，雖然薄切都仲好有嚼勁，而牛肉香味經燒過亦令中間juicy 大啡菇帶牛香
免治雞肉棒配日本初生蛋 $68/串
用左日本嘅阿波尾雞肉、雞軟骨去製作，雞味香濃且脂肪含量低。為左增添咬口同彈牙口感，用左人手打雞肉代替機磨，同加左日本長芋增添脆口爽甜感。一邊月見部份以日本初生雞蛋製作，蛋味濃郁滑溜，因為需要於生蛋後72小時內飛到嚟，除左更新鮮、營養含量亦更高。
農家煙肉野菜串（$68）
用左沖繩五花腩，餐廳師傅再自家煙薰成煙肉。
入口有smokey 煙燻香味，咸香鮮味
最後定食嘅甜品係加咗黃豆粉同沖繩黑糖嘅綠茶蕨餅，入口滑膩帶彈性，帶黃豆粉嘅香又唔會太甜，好食
今次選擇左定食坐左係窗邊高腳枱，環境好舒適悠閒。如果食omakase 可以望住師傅，背景係維港海景都好有feel. 而餐廳亦有唔少日本酒選擇
張貼
