影片
更多
2023-06-11
1035 瀏覽
襯假期又心思思想食雲南米線，今次黎到第二站位於石蔭邨附近的雲南小鍋米線，其實呢間都係雲南米線界當中都幾出名下，所以本身都係我名單當中，今日就黎試下佢係咪真係隱世屋邨世一米線先!或者係閒的關係，所以未算好多人，但不斷都有人黎食或叫外賣。我係網上都做過下Research，最出名係雪花雞絲、腩肉同埋螺旋藻，由於我麻麻地藻類的食物，覺得有種怪味，例如食日本野，如果前菜係中華沙律，我係絕對唔會食的。最後我叫左麻辣中辣，餸菜就叫左雞絲同埋腩肉!等左大約10分鐘到就送上米線了，望落去感覺唔錯，份量亦都好足! 首先雞絲真係撕得好幼，宛如雪花一般，講真有唔少雲南米線都有雞絲，其實都唔知邊個抄邊個，但其他米線店一定無呢度撕得咁幼細，值得一讚。不過又咁講雞絲其實本身係「雞肋」，就算幾幼細都好，其實食落去一定係比較鞋同埋唔太入味。有時食雲南米線就係要重口味，最好就餣到入晒味，加埋啖湯及配料，再加多啖米線就最爽。雞絲無論係口感或味道上其實同雲南米線格格不入，不過既然話最出名，都要試一次。之後就評下腩肉，望到佢變晒色就知道餣得好耐入晒味，而且又係我鐘意唔肥的腩肉類型。食落去同諗的一樣，夠晒入味同有少少辣。不過肉質
或者係閒的關係，所以未算好多人，但不斷都有人黎食或叫外賣。我係網上都做過下Research，最出名係雪花雞絲、腩肉同埋螺旋藻，由於我麻麻地藻類的食物，覺得有種怪味，例如食日本野，如果前菜係中華沙律，我係絕對唔會食的。最後我叫左麻辣中辣，餸菜就叫左雞絲同埋腩肉!
等左大約10分鐘到就送上米線了，望落去感覺唔錯，份量亦都好足! 首先雞絲真係撕得好幼，宛如雪花一般，講真有唔少雲南米線都有雞絲，其實都唔知邊個抄邊個，但其他米線店一定無呢度撕得咁幼細，值得一讚。不過又咁講雞絲其實本身係「雞肋」，就算幾幼細都好，其實食落去一定係比較鞋同埋唔太入味。有時食雲南米線就係要重口味，最好就餣到入晒味，加埋啖湯及配料，再加多啖米線就最爽。雞絲無論係口感或味道上其實同雲南米線格格不入，不過既然話最出名，都要試一次。
之後就評下腩肉，望到佢變晒色就知道餣得好耐入晒味，而且又係我鐘意唔肥的腩肉類型。食落去同諗的一樣，夠晒入味同有少少辣。不過肉質相對鞋左少少，呢個位肥仔相對做得出色一些。最後都要評下個湯底，係雲南米線的靈魂，望落去唔算油，呢點要讚，有時雲南米線做得太油，根本令你唔想飲啖湯。如果食雲南米線唔飲得啖湯，咁等於食炸雞唔食層皮一樣。湯底飲落去唔算好鹹，可接受範圍，不過你問我就係Expected的湯底味道，正常發揮。而食到最後都開始Feel到口渴，好彩叫左杯凍OT解渴。
其實要做到世一，好食係基本野，但最重要係要與眾不同，令人一諗起雲南米線就會記起你，雲南小鍋米線味道唔錯，配料都有佢的特色，屬中上的質素，不過整體唔算好突出，暫時未去到我心目中世一的標準。
睇黎尋日世一米線之旅要繼續了…
張貼
