影片
更多
2016-05-19
788 瀏覽
上文提要, 去深水埗搵食當然要去合益泰食腸粉, 我矇矇吓由細個開始食, 媽咪為咩咁鍾意帶我去食粥同腸粉?! 咪又係街頭一間細鋪成日都要等位! 原來阿媽最好嘢識專登去食滑嘟嘟齋腸~ 佢'日後'仲成名米豬連咁巴閉! 嚟合益泰NO. 1 當然是食腸粉, 有時我會加辣魚蛋, 有時會另叫一碟魚蛋蘿蔔, 蘿蔔清甜冇渣好好味, 可惜手機中影影埋咁多相, 又影餐牌又影枱面堆醬, 但寫極又未寫完個存檔亂七八糟的, 本文只找到腸粉張相... 今日無約人飲茶, 一於出發去尋寶食餐好嘅, 我們的慣性是一次去兩間店: 合益泰食腸粉/新香園堅記食蛋牛治無分前後隨興之所至. 今日先去食腸粉, 入到去等了好一會才有位, 一坐低循例叫碟大嘅.細: 4條: 7元中: 6條: 9元大: 8條: 12元腸粉很滑、厚薄適中、入口有彈性、不黏不糊但亦不會削, 12元一份真係算出色之作! ['周街'都有腸粉賣啦~] 咁出色水準唔易尋到, 大家食過就會自自然番轉頭, 所以呢度本身街坊客已夠多, 仲要加咁多外來客, 假期實爆場, 去到即使見人頭湧湧俾少少耐性等5-10分鐘一定有位因為返枱快. 另一方面就是
嚟合益泰NO. 1 當然是食腸粉, 有時我會加辣魚蛋, 有時會另叫一碟魚蛋蘿蔔, 蘿蔔清甜冇渣好好味, 可惜手機中影影埋咁多相, 又影餐牌又影枱面堆醬, 但寫極又未寫完個存檔亂七八糟的, 本文只找到腸粉張相...
今日無約人飲茶, 一於出發去尋寶食餐好嘅, 我們的慣性是一次去兩間店: 合益泰食腸粉/新香園堅記食蛋牛治無分前後隨興之所至. 今日先去食腸粉, 入到去等了好一會才有位, 一坐低循例叫碟大嘅.
細: 4條: 7元
中: 6條: 9元
大: 8條: 12元
腸粉很滑、厚薄適中、入口有彈性、不黏不糊但亦不會削, 12元一份真係算出色之作! ['周街'都有腸粉賣啦~] 咁出色水準唔易尋到, 大家食過就會自自然番轉頭, 所以呢度本身街坊客已夠多, 仲要加咁多外來客, 假期實爆場, 去到即使見人頭湧湧俾少少耐性等5-10分鐘一定有位因為返枱快. 另一方面就是個醬, 無論豉油、甜、麻、辣醬都幾好味, 尤其最主要個甜醬唔會有怪味, 有啲鋪頭唔知俾咩甜醬個味好怪唔好食.最鍾意枱面一樽大芝麻任落, 其實係細個貪得意玩玩吓落開有啲情意結係都覺得有芝麻好食好多. 奈何香港地慳水慳力好些地方有腸粉但無芝麻, 咁已經唔夠傳神呢~
服務方面: 客人太多, 外賣多, 堂食多, 阿姐有啲做到煩晒所以木口木面唔奇, 但佢哋呢類唔係黑面; 有兩三個係幾好嘅, 鋪頭成日人頭湧湧但佢哋都盡做而且會幫我哋客人搵位, 盡快安頓大家, 算過關!
價錢方面: 十元八塊好經濟, 食過嘅會久不久又去'番尋味', 未食過嘅搵次去試吓~ 唔好理係咪米豬連, 佢都係值得大家'到此一遊'嘅店舖之一.
張貼
