牡蠣小屋

營業中

休息中

近排忙到人都癲，女朋友見我咁可憐帶左我去一間新開既日本餐廳，叫牡蠣小屋。個名聽落好可愛，入到去原來係一間溫馨既日本居酒屋。接待同師父都係講日文，坐耐以為自己去左日本，落單差啲講左すみません🤣🤣氣氛首先好正，熱鬧但不嘈吵，師傅個個都好忙碌唔會感覺係雜亂無章。侍應每一個都好好禮貌同埋充滿笑容，個感覺真係好正。講返啲嘢食先，前菜鮟鱇魚肝，不算好creamy，但勝在調味ok。壽司十貫，特別出色嘅有中拖羅，新鮮有油香。海膽牡丹蝦，蝦肉彈牙有膠質，海膽都好鮮甜，呢個好出色！重點到之後個蠔！望到門口一堆生蠔，好難忍住唔食嘅慾望。佢當日有兩款新鮮生蠔，我揀左一款比較平嘅$118係北海道真蠔，十分creamy，有淡淡的海水味，咬落去仲有蠔嘅鮮味，係十分之正嘅！極度推薦用嚟懷念日本嘅味道！！蠔土手味噌鍋 $280，一開頭上枱見到係清湯仲啲奇怪，原來啲味噌已經圍左喺個碗邊，呢個擺盤都好特別！味噌同埋蠔，煲出嚟嘅湯好濃郁，我哋差唔多飲晒啲湯先走。熟咗既蠔都別有一番風味。呢間餐廳無論環境定係氣氛都好好，有一種日本本地味道，不過價錢偏貴，但我覺得物有所值。