三日月

營業中

休息中

久違了的日本🇯🇵味道，在「三日月」尋回，上星期因為慶祝結婚周年✨，book左位去「三日月」享用午餐🥣，宮崎和牛🐮鵝肝🦆帝王虎蝦套餐，無論服務、環境、食物質素都令人回味。🥂因為訂左枱，可以坐響高枱，一邊欣賞師傅為你煮理食物👏🏻，一邊享受食物，仲可以同師傅傾計，解釋各種食物最佳食用既方法🍱，令我真正欣賞到美食精髓。前菜三小點感覺開胃好味，刺身新鮮🐠，海葡萄沙律有沖繩既味道，茶碗蒸香滑，而鐵板燒日本野菜香甜好味。主菜阿拉斯加銀雪魚🐟，魚片煎得香脆如薄片，銀雪魚肉嫩滑，加埋用豆煮既醬汁🫘，非常好味。帝王虎蝦上碟尤如藝術品，無論賣相及味道都一流👍🏻。而香煎鵝肝簡直令我回味，鵝肝表面煎得香脆，內裡creamy。另外和牛薄燒卷亦非常出色，A4和牛入口即溶😋，超級好味。最後鐵板炒飯可以兩食，加鯛魚湯變成渣積飯🍵，而甜品係朱古力🍫雪糕🍦。餐體整體十分出色，無論食物、服務、用餐體驗都攞滿分💯。