餃掂手工餃子雲吞專門店

至尊松茸豬肉餃呢道菜品以松茸和豬肉為配料，我哋比較鍾意香口，就揀咗煎餃，賣相精美，外皮煎至表面微焦，粒粒都金黃酥脆，內裡餡料多汁，充滿松茸香氣，儘管價格較高，但呢個質素，性價比還是相對不錯🙌🏻四川涼皮涼皮口感滑嫩，配上獨特四川調味料，少辣嘅醬汁，微辣微甜，爽口又開胃。雲吞湯麵第一次食呢度嘅雲吞，雲吞皮略厚，賣相樸實，勝在口感彈牙，湯頭都幾鮮。蜜餞雞翼雞翼入味，帶有香濃蜜糖味道。檸檬蜂蜜薏米水解油膩一流，檸檬、蜂蜜和薏米，檸檬酸味和蜂蜜香甜味好夾，口感清新！上湯松茸時蔬大大條菜心居然一啲都唔老，夾上松茸片，松茸嘅香氣與清淡上湯融合，令菜品口感清脆爽口，唔錯！