影片
更多
2022-12-08
77 瀏覽
聖誕去韓國嘅機票實在太貴啦，唯有嚟到香港首間韓式扒房還原韓國風味。👍🏻 Hanwoo Feast🤍前菜一共四小碟：泡菜、芥菜、蘿蔔、蟹仔。全部都可以再Refill！特別欣賞佢個辣蟹仔，酥脆得來帶微辛，好滋味。🤍頭盤季節沙律、和牛生牛肉他他、醬油盛合。沙律酸酸甜甜，沙律菜新鮮，特別開胃；生牛肉他他會有專人把果仁、蔥花、蒜頭等等嘅配料拌入蛋汁，食落柔軟，並無腥味；醬油蝦爽彈，蝦肉好入味，餐廳更加細心地附上手套，而帶子則厚身，沾上醬油的色澤，食落鹹香足夠，口感滑身帶清甜！🤍肉類韓牛肉眼、韓牛西冷、牛舌全部屬韓國1++等級。牛舌先食，味道最為淡身，但口感超級爽彈，點上芝麻鹽口感令人回味，而且火候真係把握得剛剛好。肉眼油脂感最重，肉質鮮紅，食落肉質軟腍鬆化，當然本身都講求職員嘅燒烤功力，因為牛肉眼芯同肉眼蓋燒嘅時間略有差異，點上柚子辣醬果真一絕。西冷細膩嘅雪花分佈，食落肉質細緻，肉味濃郁，建議可以包上生菜，沾上大醬汁，更帶鹹鮮 。🤍肉醬薯條年糕本身已經係煙韌控，呢碟完全係我嘅愛好之物(⁎⁍̴̛ᴗ⁍̴̛⁎)肉醬相當澎湃，加入咗芝士，完全係Perfect match，年糕口感軟糯，咬口十足，加上薯條嘅香口
聖誕去韓國嘅機票實在太貴啦，唯有嚟到香港首間韓式扒房還原韓國風味。
👍🏻 Hanwoo Feast
🤍前菜
一共四小碟：泡菜、芥菜、蘿蔔、蟹仔。全部都可以再Refill！特別欣賞佢個辣蟹仔，酥脆得來帶微辛，好滋味。
🤍頭盤
季節沙律、和牛生牛肉他他、醬油盛合。沙律酸酸甜甜，沙律菜新鮮，特別開胃；生牛肉他他會有專人把果仁、蔥花、蒜頭等等嘅配料拌入蛋汁，食落柔軟，並無腥味；醬油蝦爽彈，蝦肉好入味，餐廳更加細心地附上手套，而帶子則厚身，沾上醬油的色澤，食落鹹香足夠，口感滑身帶清甜！
🤍肉類
韓牛肉眼、韓牛西冷、牛舌全部屬韓國1++等級。牛舌先食，味道最為淡身，但口感超級爽彈，點上芝麻鹽口感令人回味，而且火候真係把握得剛剛好。肉眼油脂感最重，肉質鮮紅，食落肉質軟腍鬆化，當然本身都講求職員嘅燒烤功力，因為牛肉眼芯同肉眼蓋燒嘅時間略有差異，點上柚子辣醬果真一絕。西冷細膩嘅雪花分佈，食落肉質細緻，肉味濃郁，建議可以包上生菜，沾上大醬汁，更帶鹹鮮 。
🤍肉醬薯條年糕
本身已經係煙韌控，呢碟完全係我嘅愛好之物(⁎⁍̴̛ᴗ⁍̴̛⁎)肉醬相當澎湃，加入咗芝士，完全係Perfect match，年糕口感軟糯，咬口十足，加上薯條嘅香口，忍唔住不停食不停食。
🤍海鮮湯
食咗咁多主菜之後，黎返一碗海鮮湯暖一暖胃絕對係最佳選擇。入口鮮味濃郁，不過湯底較鹹，幸有白飯嘅中和。
🤍是日精選甜品
甜品係芝士蛋糕，面頭焦黑得黎毫不苦澀，食滋味濃郁之餘，口感亦好幼滑，加上左蜜糖嘅點綴，更加芬郁。
🤍Premium Honey Makgeolli
第一次用呢一個方式飲米酒，餐廳原鍋而上，小碗子放入咗蜂巢蜂蜜，味道越飲越甜，而且為喉嚨帶點滋潤，非常適合燒烤時飲用
🤍柑橘梳打
另一杯飲品選擇左一款清新嘅，味道香甜，解渴解油膩，更有一整片片柑橘肉可以品嚐。
張貼
