makan makan (MONTEREY Place)

好友約我去位於將軍澳澳南海岸唐俊街23號Monterey Place 地下G01號舖的《makan makan》食馬來西亞菜，環境舒適，餐廳設有室內和戶外雅座，遙望將軍澳跨灣大橋，裝修雅緻，富有渡假風情。我地點左：🥢沙律頭盤：📍大蝦柚子沙律 $68：大大隻蝦好彈牙，酸酸甜甜好醒胃。🥢主菜：📍仁當牛肉飯 $108：牛肉炆得軟腍入味，牛味香濃，送飯最啱。📍森巴苦豆炒大蝦 $128伴碟的森巴苦豆份量不多，食起來有輕微小小苦瀝味，幾特別，醬炒大大隻蝦好好味。🥢甜品：📍黑芝麻湯圓：流心黑芝麻湯圓配薑汁糖水，好正。🥢餐飲：📍凍檸檬茶（少甜）：糖水另上，冰凍好飲。