Fika

營業中

休息中

最近到將軍澳坑口探朋友，佢帶咗我去坑口村附近嘅西餐廳。餐廳地方唔算大，但佈置舒適，有溫暖小屋嘅感覺。椰菜花芝士湯 （$38@）- 味道豐富濃郁，質地非常順滑，椰菜香味與芝士的濃郁口感好夾湯。味道好有驚喜，據聞每日餐湯會因應材料有所不同。牛油果蟹肉脆餅（$28@）- 呢個前菜味道非常獨特，牛油果口感軟滑，配搭鮮味嘅蟹肉超好食。脆餅入口酥脆，連埋牛油果及蟹肉一齊食，口感非常豐富。Fika自家製雙重煙腩肉卡邦尼意粉（$168）- 意粉以兩款煙肉同蘑菇，配上香濃嘅卡邦尼醬，味道真心好正。意粉煮得剛好，掛滿卡邦尼醬汁，呢個主菜我比好高分。估唔到坑口站附近有呢間隱世餐廳，食物質素相當唔錯。餐廳位置鄰近坑口站，步行只需10分鐘左右，位置又幾方便。