影片
更多
2023-08-01
19 瀏覽
同臭屁熊嚟左將軍澳海傍散步chill~ 順便揀左間沿海餐廳食個飯休息下👍🏻 餐廳環境好舒適同悠閑，設計帶少少工業風，店面寬敞有空間感，坐得好舒服，有一大片玻璃，可以一路食一路望住個海，非常適合靜靜地放空，到左夜晚，望住亮燈嘅跨灣大橋都好寫意主打輕西餐，有沙律、小食、all day breakfast、主食、甜品，仲有gelato。整體食物質素唔錯，偏細份，不過環境同服務加分，都可以試吓_➤辣肉腸炒鮮魷魚🦑$88幾驚喜，份量唔多唔小，魷魚切成一舊舊，肉質彈牙爽口，可以食到好濃嘅牛油香，配搭鹹香嘅辣肉腸，係一個唔錯嘅前菜➤明太子忌廉意粉配烏魚籽🍝$148意粉軟硬度啱啱好，明太子忌廉醬非常creamy濃郁，佈滿每條意粉，唔算膩，帶點鹹香，面頭有紫菜絲➤手打安格斯牛肉漢堡配薯條🍔🍟$138大大個burger，麵包有抹左層牛油微烤過，食落軟熟鬆軟，漢堡扒厚身，牛味濃，但略嫌偏乾身同鬆散，仲有兩大塊煙肉，融左嘅芝士、生菜、蕃茄同酸青瓜，一啖都幾難咬得哂。配菜嘅粗身薯條都炸得幾香脆，仲配左黑松露蛋黃醬➤🍰雲尼拿士多啤梨批$68細細件，上面係雲尼拿味嘅凍餅，奶味濃，入面有草莓醬，唔會好甜，批底唔係脆個
主打輕西餐，有沙律、小食、all day breakfast、主食、甜品，仲有gelato。整體食物質素唔錯，偏細份，不過環境同服務加分，都可以試吓
_
➤辣肉腸炒鮮魷魚🦑$88
幾驚喜，份量唔多唔小，魷魚切成一舊舊，肉質彈牙爽口，可以食到好濃嘅牛油香，配搭鹹香嘅辣肉腸，係一個唔錯嘅前菜
➤明太子忌廉意粉配烏魚籽🍝$148
意粉軟硬度啱啱好，明太子忌廉醬非常creamy濃郁，佈滿每條意粉，唔算膩，帶點鹹香，面頭有紫菜絲
➤手打安格斯牛肉漢堡配薯條🍔🍟$138
大大個burger，麵包有抹左層牛油微烤過，食落軟熟鬆軟，漢堡扒厚身，牛味濃，但略嫌偏乾身同鬆散，仲有兩大塊煙肉，融左嘅芝士、生菜、蕃茄同酸青瓜，一啖都幾難咬得哂。配菜嘅粗身薯條都炸得幾香脆，仲配左黑松露蛋黃醬
➤🍰雲尼拿士多啤梨批$68
細細件，上面係雲尼拿味嘅凍餅，奶味濃，入面有草莓醬，唔會好甜，批底唔係脆個種，有士多啤梨同藍莓伴碟，食落酸酸甜甜
➤Matcha lattee☕️$54
面頭有層奶泡，灑左啲抹茶粉係上面，濃厚嘅抹茶加上甜甜嘅牛奶，中和左抹茶嘅苦澀味但同時又唔會好甜，啱啱好
➤Iced cappuccino☕️$49
面頭都有層奶泡，味道正路，唔算太苦
_
🍽味道指數:★★★★☆
📷環境指數:★★★★★
🛎服務指數:★★★★☆
💰抵食指數:★★★☆☆
😋推薦指數:★★★★☆
📍Urban Coffee Roaster
將軍澳唐賢街29號藍塘傲地下12號舖
@urbancoffeeroaster
張貼
