URBAN COFFEE ROASTER (藍塘傲)

將軍澳URBAN COFFEE｜$188凍海鮮意粉＋紙皮薄餅！咖啡香救唔返 咖啡豆香飄十里，食物水準跌穿地心，$410買個「相機先食」嘅權利！ 🍕 慢煮肉醬薄餅（$188）｜空洞的碳水陷阱 - 餅邊脆如蘇打餅，餅底卻濕軟似紙皮，刀切下去無聲塌陷 - 肉醬隱形：所謂「慢煮牛肋條肉醬」稀薄如番茄湯，僅零星肉碎黏在芝士上 - 芝士詐騙：拉絲長度不足5cm，莫札瑞拉結塊變橡膠粒 上桌微暖，中心溫度＜45°C（疑預製） 🍝 香辣海鮮意粉（$198）｜雪櫃海鮮 ｜虎蝦｜肉身霉軟，蝦頭膏氧化發黑（疑似翻凍貨） ｜青口｜縮水成拇指蓋，腥味攻鼻需狂擠檸檬 ｜魷魚｜橡膠級韌度，咀嚼似口香糖挑戰 ✅ 辣蒜油香氣合格，但醬汁完全掛不上麵條 ⚠️ 致命傷：上桌冰涼如冷麵，海鮮腥氣加倍釋放 ☕ 咖啡唯一出色｜$48凍拿鐵封神- 巴西豆×埃塞俄比亞混豆，堅果香撞花香 - 奶泡綿密如絲綢，溫度冰涼不稀釋 …查看更多

裝橫及餐牌吸引，但食物質素一般🦀松葉蟹肉軟殼蟹飯軟殼蟹油益味重飯底是白飯𤏪沙律醬😅🥞蜂蜜牛油班戟班戟質感又乾又散沒什麼味道，純粹的麵粉佢☕️85% Belize普普通通，沒有黑朱古力的感覺…查看更多

推介指數 Recommendation Level : 🔥🔥🔥這間坐落於海濱的小咖啡店，向來不吸引不少年輕人光顧，已提供健康食品，及西式菜式為主，選擇上算多元化，難怪事附近居民一個熱門的用餐地方。This charming café, located by the seaside, consistently attracts a considerable number of young patrons with its healthy food offerings and diverse Western-style dishes. It is no surprise that it has become a popular dining spot for local residents.香烤芝士酸種多士配番茄濃湯 ($88)Grilled Cheese Sourdough Toast with Tomato Soup這份有如一個迷你版的全日早餐，但是比全日早餐更為特別的是，除了新鮮的沙律菜之外，還配上一個熱湯，是冬日一個非常好的選擇。蕃茄湯煮得非常香濃，入口有豐富的蕃茄香味又不會太酸。This dish resembles a mini version of an all-day breakfast; however, what makes it more special is the inclusion of a hot soup alongside the fresh salad, making it an excellent choice for winter. The tomato soup is rich and aromatic, delivering a robust tomato flavor without being overly acidic.至於這個麵包卻令人十分驚喜，因為煩得非常香口，內裏混合了兩款不同的芝士，所以芝士味更加濃郁，由於上枱的時候還是熱烘烘的，所以內層的芝士可以做到拉絲的感覺The bread accompanying the meal is quite surprising, as it is exceptionally flavorful. It is mixed with two different types of cheese, resulting in a more intense cheese taste. When served, it is still warm, allowing the cheese inside to achieve a delightful stretchiness.香蕉榛子可可醬班戟 ($75)Banana Hazelnut Cocoa Pancakes這個香蕉班戟有點令人失望，因為雖然班戟不太甜，迎合香港人的口味，但是質地卻有點硬，鬆軟的感覺欠奉Unfortunately, the banana pancake is somewhat disappointing. While the pancake is not overly sweet, catering to local tastes, its texture is a bit firm, lacking the desired softness.😎 評價 - Epicurean Explorer's comments:   🍽️食物Food： 🔥🔥🔥🔥✅食物選擇的種類十分多，而且被有多款蔬菜，及健康的菜式給客人選擇The selection of food is extensive, enhanced by a variety of vegetables and healthy dishes available for patrons to choose from.❌無NIL🏡環境Environment： 🔥🔥🔥🔥✅環境裝修得非常時尚，而且落地玻璃窗戶，客人可以欣賞街外的風光The café's décor is very stylish, featuring floor-to-ceiling windows that allow guests to enjoy the view outside.❌座位與座位之間的距離不算太闊，所以部分座位的私隱度較低The space between seats is somewhat limited, which may result in lower privacy for some seating arrangements.💁服務Service：🔥🔥🔥✅侍應生非常有禮，上菜的速度亦算十分快速The waitstaff are very courteous, and the speed of service is generally quite prompt.❌由於餐廳的職員不算太多，所以無論入座或是等候職員協助都需要較長的時間However, due to the limited number of staff, both seating and waiting for assistance may take longer than expected.💰價格Price：🔥🔥🔥✅由於餐廳的職員不算太多，所以無論入座或是等候職員協助都需要較長的時間In comparison to other restaurants in the area, the pricing is considered reasonable, falling within a mid-range level.❌由於未有套餐提供，所以連同飲品的話，價錢就會偏貴As there are no set meal options currently available, the total cost, including drinks, may be on the higher side.…查看更多

叫左一客鹹蛋黃薯條 嚟到我以為係原味薯條 如果唔係個Menu寫住得鹹蛋黃薯條，我以為佢嚟錯咗同普通薯條係冇分別仲有叫左卡邦尼意粉，食落一啲味都冇，又硬。$128嘅卡邦尼意粉入邊得三條肉絲呢個價位咁樣上菜俾客係咪生意難做到咁？有D嚇親我，我仲特登炒起成個意粉搵埋個底，真係搵多條煙肉都無。即刻影底先 !剩係得杯咖啡係正常D。好彩都有杯咖啡補救下，正正常常，不過不失!諗住放假食嘢輕鬆下咩心情都冇晒，無下次!!水準有待改善。…查看更多

位於將軍澳海旁，環境唔錯，好天嘅時候坐窗邊，望住個海景心情會變好😆.松葉蟹肉軟殼蟹飯 $138軟殼蟹炸得香脆好味，但唔知廚師係咪冇落鹽，成個飯淡然無味。不過同服務員講咗之後，佢俾咗海鹽我哋自己落，即刻覺得好好食😋😋 所以如果落埋鹽的話，會大推呢個菜式.明太子烏魚籽忌廉意粉 $138明太子味香口，而且每條意粉到均勻有味👍🏻.卡邦尼意粉 $128難得見到係黃色嘅卡邦尼，佢標明用蛋黃煮，同出邊好多偽卡邦尼唔同，所以要試一試佢。整體不過不失，意粉幾Creamy但蛋黃味依然失色🥺.煙三文魚賓利迪 $128不過不失，芝士口感幾有趣，有啲似雞肉.水牛雞翼 8隻 $88口味相對較辣，如果食得辣嘅朋友會覺得好香口，好惹味😋.芝士蛋糕 $68成餐最鍾意嘅菜式，蛋糕真心整得好食，鬆軟到一流，近尖端位更會有流心效果✨…查看更多

首先一黎到見到幾張執好嘅吉枱，但係佢地寧願叫客人企響度等佢地執完曬所有枱先畀入座。隔離bar枱有幾張等reserve咗，我問可唔可以坐，佢話reserve咗做workshop，但係其實都唔知幾時先有workshop😅唔明點解唔可以畀等位嘅人坐住先？終於入座，想食pancake，即係落單。過咗一陣通知話太忙，廚房整唔到。我問要幾耐，半個鐘整唔整到，定係要耐d？佢問完廚房番黎話廚房唔整😅大曬，唔整就唔好擺出黎menu，完全唔係以客人需求同感受出發😅唔排除係老細壓榨員工所有所有人都workload爆棚😅建議繁忙時間請多幾個人…查看更多

⭐️香濃鹹蛋黃薯條呢款薯條外脆內軟，鹹蛋黃醬淋上去，香濃得來仲帶有一絲鹹香，非常入味⭐️蕃茄巴馬火腿多士多士嘅麵包烤得岩岩好，蕃茄新鮮多汁，配上香脆嘅巴馬火腿，味道層次分明⭐️卡邦尼煙肉意粉煙肉味濃郁，意粉口感非常好⭐️安格斯封門柳配燒汁薯條安格斯牛肉煎得岩岩好，燒汁增加咗風味，薯條同樣外脆內軟，搭配非常合適…查看更多

香烤芝士酸種麵包配蕃茄湯芝士有兩種款式。酸種麵包皮脆內軟熟，但不知點解覺得有點油膩。蕃茄湯十分濃稠，有質感，好味。Dirty這個dirty一啲都唔dirty, 一般 latte冇分別。奶嘅比例太多，咖啡少，太過膩，不是我喜歡的。…查看更多

再次嚟食lunch。上次到訪係5月，事隔3個月，午市餐牌已有所改動。由於上次食過的午餐已經喺餐牌上消失，所以順理成章試新嘢，點咗香烤芝士酸種多士配蕃茄濃湯。蕃茄濃湯：濃稠，似直接飲由蕃茄打成的蓉；調味恰到好處，唔䶢又唔淡味，加咗少少香草同多士粒，hearty香烤芝士酸種多士：上次已食過酸種多士，多士外脆內軟，口質唔錯，硬邊亦唔會好鎅口；融咗的mozzarella cheese同cheedar cheese令酸種麵包「淋淋哋」，充滿油脂、油香，惹味又飽肚自選早餐：朋友點咗5個項目：水波蛋、牛油果、大啡菇、乳酪同三文魚；presentation方面，食物直接上碟，冇裝飾，但絕大部分係原型食物，新鮮、健康；我試咗牛油果同乳酪，牛油果係半份，唔確定半份係咪半個，似細裝的半個，但質量唔錯，果肉靚、完整；乳酪應該係plain greek yogurt或greek style yogurt ，無糖，味道純粹短笛咖啡：朋友滿意；低咖啡因但咖啡味仍然濃；杯好細而拉花非常精緻燕麥奶flat white：咖啡味可以；用燕麥奶沖調但質地唔稀今次嚟食lunch，感覺同上次唔同，上次覺得少貴，但今次揀咗香烤芝士酸種多士配蕃茄濃湯，食物唔係平時下廚會煮的款式，食物味道幾好，營養豐富，今次覺得物有所值！…查看更多

冰塊、海風、日落，在季夏翻涌成故事。一場陣雨，偶爾揉進眼前的單車徑，卻不聲張。☀️(1) 松葉蟹肉軟殼蟹飯偏西日混合風味。蓮藕一分為四，加上溫泉蛋、飛魚籽，味道配搭得宜。若松葉蟹肉份量增添多一點點，整體層次會更鮮明。(2) 油漬黃油雞賓尼迪Egg Benedict的水波蛋富有彈性，柔軟順滑；荷蘭醬則口感濃稠。(3) Americano / Expresso Tonic由於Americano同Expresso Tonic樣貌相同，便一相兩用。六月雙子，夏日CITY。😎（感謝公仔頭套一枚。ʕ •ᴥ•ʔ…查看更多

今日放假諗住去食個早餐，order左個carbonara, chicken poached eggs sourdough and ice Americano. 個sourdough 等左半個鐘先有，睇唔出點解要整咁耐！個ice Americano 係最好，用大冰，咖啡味濃！果個carbonara真係不得了，咸到好似就咁用臘肉再加鹽去整一樣，除左咸，就係好很咸，真心千萬唔好order. 整個experienced 都好差！唔會再去…查看更多

Teatime 時間過嚟同朋友飲杯咖啡，嘆咗成個下午，好慢活，好chill~ 環境又舒適，遙望住個海，出面有人放狗，有人做運動等等，好寫意。咖啡選擇多，餐牌都會寫明每杯咖啡用咗邊個國家嘅咖啡豆，沖出來嘅方法都有所不同。另外，仲嗌咗個蛋糕，配咖啡，最佳配搭。…查看更多

下晝2點入座，等左40分鐘後先有野食上枱，隔離枱嬲到走埋😅野食整體黎講，唔太好食，得件cheese cake好食同啤酒好飲🥲而份量有啲少，沙律得一隻帶子同兩隻細蝦，鰻魚飯件鰻魚得三分二手掌大，青口係紫黑色🫣唔知係變咗質定點🫣三個人食最後埋單$840，但食唔飽，覺得呢個價錢有更好嘅選擇🫣…查看更多

第一次嚟呢度食嘢，環境幾舒服💆🏻，雖然冇澳南另一邊的風景開揚，但都係對住海皮。餐廳佈置簡約，檯與檯之間有一定距離，適合三兩朋友吹水食嘢🥂。Lunch hour點咗午餐，飲品跟餐半價。是日餐湯🍲：網上點餐冇提及餐湯係咩湯，侍應亦冇補充。湯的份量迷你，約3-4湯匙🥄，面頭有2小塊多士粒；湯係creamy，呈淡黃色，飲完唔清楚係咩味，覺得一般烤澳洲西蘭花大啡菇水波蛋酸種多士：所見即所得，份量以女仔嚟講可能7-8成飽，男人應該唔夠食🥲；最飽肚係酸種多士🍞，只有1件，水波蛋🥚亦得有1隻。蔬菜🥗新鮮，2枝澳洲西蘭花🥦尤其爽脆，味道似嫩菜心。水波蛋🥚雖有爆漿，但唔算厲害，如果蛋漿多啲會更好。大啡茹🍄味道一般，橄欖油比較重手。酸種麵包🍞係一貫的煙韌偏硬，唔易切開/咬開，少少界口，但味道👌🏻。Dirty☕配燕麥奶：跟餐半價；啡底濃，有明顯苦味，我接受到同埋覺得幾提神，但喜歡奶啡的人應該會覺得太苦整體嚟講，呢度環境舒服，服務正常，食材健康（都係原型食物），食物味道亦唔錯。作為素食者，呢間餐廳提供的選擇極多（雖然萬變不離all day breakfast的變奏😅），唯一令人卻步係價錢💲💲💲，佢的食物份量唔大，係咁意lunch連加一後大均消費$150，都貴😝。間唔時食一次係幾chill💆🏻，但暫時未有經濟能力成為佢lunch hour的熟客😆😆。…查看更多

同同事一共七人黎食lunch不過只有五個人有得食我同另外一個同事由13:06落單等到13:55都冇得食一路追既時候侍應都係hea答整緊其實都冇去check/追過最後都係話幫我地轉外賣因為我哋已經食唔切不過重點係轉咗外賣都係收咗我哋10% service Charge同埋侍應係一句唔好意思都冇講過只係話佢哋今日廚房唔夠人仲有一位男侍應好似患咗躁鬱症咁成日喺度掟嘢其實收得依個價錢真係唔expect係咁既服務態度作為urban coffee roster長期既coffee beans subscriber都真係非常失望啱啱都cut咗個coffee beans subscription宜家一肚氣食咗個外賣手撕豬漢堡冇味，啲肉又好韌原來等咗一個鐘仲收加一既外賣係唔好食的…查看更多