makan makan

📌大蝦柚子沙律大蝦彈牙，柚子酸甜爆汁，炸乾蔥脆卜卜，加上焦香嘅烤椰絲，將甜棕糖汁撈勻食超開胃！📌海南雞雞皮滑到反光！肉質嫩得嚟有雞味，分別蘸上三種勁正宗嘅醬汁一齊食(薑蔥蓉、黑醬油及酸辣汁)，半隻真係唔多夠喉啊！📌馬來西亞炒飯鑊氣十足！沙爹香濃但唔會膩，大蝦同雞肉份量足，炒飯粒粒分明，加上幾片青瓜解膩，抵讚👍～📌Nanas Paradise鳳梨+柚子+香茅呢個組合好清新！酸酸甜甜帶少少草本香，解膩一流，夏天飲肯定爽爆！📌Ribena LycheeRibena嘅懷舊甜撞荔枝果香，加氣泡水口感好過癮，飲完想再encore！總結：將軍澳南少有嘅東南亞風味，菜式無論色香味都絕對高質，飲品有心思，會再訪！