Chef's Stage Kitchen

營業中

休息中

最近喺將軍澳附近食一間幾有特色嘅西餐廳，有室外座位亦都有室內座位，如果帶寵物可以坐室外座位，室內裝修都好有格調，食物質素都唔錯，員工服務態度都好好。開胃菜前，送上餐包脆餅，同堆龍蝦湯同埋南瓜湯。龍蝦湯非常香濃，而且南瓜湯有淡淡的南瓜甜味，各有特色。開胃菜係一個特色沙律配蟹餅，蟹餅好Creamy，外皮好脆，另外仲有啲蝦，配上濃郁嘅蛋黃醬同埋沙律醬，仲有啲開胃嘅蕃茄仔，係一個幾特別，而且又相當開胃嘅前菜。蜆肉意粉呢度嘅蜆肉意粉同出邊有啲唔同，呢度嘅調味唔會太重，酸酸辣辣咁，都幾惹味，蜆肉都好多隻，而且非常鮮甜，意粉煮得啱啱好，整體感覺幾特別。龍蝦配牛扒呢個超級推介，牛扒好Juicy而且牛味好濃郁，龍蝦焗好，然後仲切好咗出嚟方便食用，另外side dish配上好Creamy嘅薯蓉 ，另外仲有各式各樣嘅蔬菜，例如秋葵同埋青豆。佢仲叫咗兩杯夏日特飲都好有特色。Forest 係由薄荷，芒果，仲有菠蘿整成嘅沙冰特飲，超級fresh ，而且菠蘿味都好香。另一杯特飲叫做 pandan pineapple, 佢有班蘭葉嘅香味，亦都有菠蘿嘅甜香，兩者加埋又幾好飲，係一杯比較Light嘅飲品。