四寶食堂 (將軍澳中心)

營業中

休息中

將軍澳中心有一個位置有好幾間餐廳，晚飯時間各位街坊放工返屋企去樓下商場搵食，想避開人潮唔想等可以早少少或夜一啲食。餐廳比較開放式，大家行過或者排隊等位都可以望下大家食緊咩野，諗定一陣食咩。馬拉盞芥蘭 原本想食通菜，點知話賣晒，所以選芥蘭。發現芥蘭都幾好，馬拉盞果然好夠咸。胡椒粉絲大蝦 好多粉絲，真係成兜都係粉絲，好重胡椒味，仲有3隻蝦。蔥油豬扒煎蛋菠蘿油豬扒好大塊夠晒實正，蔥同油份量十足。菠蘿包同牛油分開，牛油浸左喺冰水度，如果個包熱我會食得更開心。食食下覺得好口喝，所以加錢升級套餐飲下個燉湯，裡面有豬肉和木瓜，有木瓜味。