影片
更多
2024-06-16
1559 瀏覽
臨近父親節，當然要揾吓有咩特色餐廳一家人enjoy吓啦🥳今次就試吓呢間係西營盤高街嘅小店，食吓法國農村菜😋首先開返枝酒(自費)比老豆先啦，店員推介Domaine Fourrey Chablis Premier Cru Les Fourneaux 2021，配返今晚嘅菜式。Starter先嚟個自家製嘅意大利香草麵包外層鬆脆，內層鬆軟有空氣感不在話下啦。然後到南瓜湯同我飲開一般嘅南瓜湯唔同，佢呢款就偏向比較滑身，cream味重啲，保留到南瓜香味，但又唔會好膩，仲加咗少少杏仁片，多重一重爽脆口感。法國里昂沙律本人對好食嘅沙律有一個好基本好簡單嘅標準，但好多餐廳都唔達標，就係每一塊新鮮蔬菜都要fing乾淨啲水同每一塊蔬菜都要比個sauce覆蓋。但偏偏唔知係個廚懶，呢個step通常都做唔好，又撈唔勻個sauce，令到個沙律淡晒口。咁基本又重要嘅細節，呢個沙律做到！清新醒胃，仲有少少豬腩肉，好夾！呢個沙律本應係配poached eggs嘅，係我個肚唔係好受得半熟流心蛋所以大廚先轉熟蛋比我，原版應該更正！法國阿爾薩斯四方薄餅新鮮焗製嘅，薄脆餅底配煙肉洋蔥芝士，香！招牌迷迭香烤嫩雞呢個真係誠意之作，個
今次就試吓呢間係西營盤高街嘅小店，食吓法國農村菜😋
首先開返枝酒(自費)比老豆先啦，店員推介Domaine Fourrey Chablis Premier Cru Les Fourneaux 2021，配返今晚嘅菜式。
自家製嘅意大利香草麵包
10 瀏覽
0 讚好
0 留言
外層鬆脆，內層鬆軟有空氣感不在話下啦。
南瓜湯
9 瀏覽
0 讚好
0 留言
同我飲開一般嘅南瓜湯唔同，佢呢款就偏向比較滑身，cream味重啲，保留到南瓜香味，但又唔會好膩，仲加咗少少杏仁片，多重一重爽脆口感。
法國里昂沙律
8 瀏覽
0 讚好
0 留言
本人對好食嘅沙律有一個好基本好簡單嘅標準，但好多餐廳都唔達標，就係每一塊新鮮蔬菜都要fing乾淨啲水同每一塊蔬菜都要比個sauce覆蓋。但偏偏唔知係個廚懶，呢個step通常都做唔好，又撈唔勻個sauce，令到個沙律淡晒口。咁基本又重要嘅細節，呢個沙律做到！清新醒胃，仲有少少豬腩肉，好夾！呢個沙律本應係配poached eggs嘅，係我個肚唔係好受得半熟流心蛋所以大廚先轉熟蛋比我，原版應該更正！
法國阿爾薩斯四方薄餅
26 瀏覽
0 讚好
0 留言
新鮮焗製嘅，薄脆餅底配煙肉洋蔥芝士，香！
招牌迷迭香烤嫩雞
10 瀏覽
0 讚好
0 留言
呢個真係誠意之作，個雞香到一打開廚房攞出嚟嗰刻已經攻緊啲迷迭香味過嚟，隔離枱鬼佬都停手望過嚟係度"索"😂 。即叫即焗真係一食就知，外皮好脆，雞皮嘅油脂非常甘香，係個口腔到轉吓轉吓，過癮！但唔會肥到膩，雞肉好juicy好嫩滑，連雞胸都好滑，烤得啱啱好！必叫！
美國封門柳
7 瀏覽
0 讚好
0 留言
如果你中意食有少少內臟味嘅牛嘅部位，咁叫呢個封門柳就啱晒。呢個封門柳肉質非常軟熟，牛肉味濃，脂肪唔多，唔知你哋明唔明，靚嘅牛係有種牛肉嘅甜味。煎封medium做得唔錯，鎖到肉汁，表面有焦香，加埋主廚自己較嘅一個sauce，問返原來係燒烤汁+醋+蜜糖+芥末，好醒胃，同個封門柳好夾，簡單易整，自己係屋企煎扒都可以做到！伴碟沙律你睇相個油光都知撈得好均勻，都係細節加分位！
經典法式杏仁梨批配朱古力薄荷雪糕
9 瀏覽
0 讚好
0 留言
甜品係畫龍點晴，新鮮焗好個批非常鬆脆，牛油香味加埋杏仁好配合，再配埋梨個爽甜，真係追住嚟食，食完一啖會想即刻食第二啖！然後個朱古力薄荷雪糕啲朱古力係薄脆片嚟，食落去多份咬口，感覺好正！批同雪糕兩種甜味都好夾，個甜品係食完啱啱，唔係"好"，係"唔夠"😂，好頂癮！但好滿足，你會想返尋味！如果要挑剔嘅應該係我本人食嘢唔太濃味，調味中意點到即止，個封門柳seasoning重手咗啲，不過我相信其他人都會覺得好正嘅！同埋個湯放涼咗啲，熱啲會更好。
張貼
