影片
更多
2025-02-26
198 瀏覽
收工同老細搵食，誤打誤撞殺入天后呢間「叁不館」，未入門已經被霓虹燈同牆上塗鴉吸引，播住張學友同王菲金曲，一秒穿越返90年代！ 椰子雞湯底先飲為敬店員力推介椰子雞煲，真係落足成個椰青，滾起即刻飲啖湯，清甜到呢～椰香夾雞嘅鮮味，未打邊爐已經暖晒胃！ 牛魔王狂歡拼盤 牛魔王拼盤啱曬選擇困難症～一次過試勻安格斯肥牛、本地手切牛、牛板腱、牛頸脊、封門柳……，最正係手切牛，油花靚到閃閃發光，淥兩淥入口即化，老細食到豎拇指！ 手打丸滑嚇親人手打五寶丸彈牙到似乒乓波，陳皮鯪魚丸仲有陣陣果皮香！墨魚滑同蝦滑size誇張到似網球，咬落「啵」一聲爆汁，老細笑話：「呢啲叫良心份量啦！」 海鮮+奇趣餡餃子 蟶子王同海蝦新鮮到爆，灼幾十秒即食，甜到唔使點醬。雙拼釀豆卜同餃子拼盤玩驚喜，豆卜破除咗釀鯪魚肉仲可以釀豬肉～餐肉餃夠晒搞鬼，韭菜餃直頭係童年回憶返晒嚟！ 椒鹽粟米係老細至愛，炸得好香口，但係又鮮甜，每粒都卜卜脆，仲要好大碟！一蚊啤酒喪飲唔肉赤最癲係啤酒$1支，仲要係純滑嘉士伯！比$10換十支，飲唔晒仲可以寄存90日（老細即科水：「今晚豪比你暢飲！」）。佢嘅自家製紅蔥油香到一個點，豉油自家調製，唔會
收工同老細搵食，誤打誤撞殺入天后呢間「叁不館」，未入門已經被霓虹燈同牆上塗鴉吸引，播住張學友同王菲金曲，一秒穿越返90年代！
椰子雞湯底先飲為敬
店員力推介椰子雞煲，真係落足成個椰青，滾起即刻飲啖湯，清甜到呢～椰香夾雞嘅鮮味，未打邊爐已經暖晒胃！
牛魔王狂歡拼盤
牛魔王拼盤啱曬選擇困難症～一次過試勻安格斯肥牛、本地手切牛、牛板腱、牛頸脊、封門柳……，最正係手切牛，油花靚到閃閃發光，淥兩淥入口即化，老細食到豎拇指！
手打丸滑嚇親人
手打五寶丸彈牙到似乒乓波，陳皮鯪魚丸仲有陣陣果皮香！墨魚滑同蝦滑size誇張到似網球，咬落「啵」一聲爆汁，老細笑話：「呢啲叫良心份量啦！」
海鮮+奇趣餡餃子
蟶子王同海蝦新鮮到爆，灼幾十秒即食，甜到唔使點醬。雙拼釀豆卜同餃子拼盤玩驚喜，豆卜破除咗釀鯪魚肉仲可以釀豬肉～餐肉餃夠晒搞鬼，韭菜餃直頭係童年回憶返晒嚟！
椒鹽粟米係老細至愛，炸得好香口，但係又鮮甜，每粒都卜卜脆，仲要好大碟！
一蚊啤酒喪飲唔肉赤
最癲係啤酒$1支，仲要係純滑嘉士伯！比$10換十支，飲唔晒仲可以寄存90日（老細即科水：「今晚豪比你暢飲！」）。
佢嘅自家製紅蔥油香到一個點，豉油自家調製，唔會死鹹，混個醬點乜都一流！
老細食完返尋味，豪氣話：「下次OT完再嚟！」 懷舊風+高質料，呢間真係打工仔「化悲憤為食量」嘅最佳選擇！
張貼
