影片
更多
2024-11-01
411 瀏覽
帶住狗狗又坐得舒服嘅餐廳我就只想到K11 MUSEA嘅，所以就係埋細妹嚟食舍午餐再去尖東同狗狗打卡。餐廳地方都好闊落，有好多大嘅落地玻璃，自然光嘅氣氛令人坐得好放鬆又舒服。我地叫左兩個LUNCH SET，再加上店內主打嘅麻薯窩夫，真係食得超滿足。先嚟LUNCH SET加配嘅特濃朱古力，細妹話個朱古力濃得嚟唔太甜，啱佢口味。我就叫左杯LATTE，店員哥哥仲介紹我升級SOE2嘅咖啡豆，入口會更香濃而且帶少少甜品，咁又真係冇介紹錯，我依個咖啡初哥又學到嘢啦！我就叫左個烤軟殼蟹配凱撒沙律，大大隻軟殼蟹上枱已經好吸睛，炸得外脆內軟，香口得嚟又脆卜卜，而且仲一啲都唔油，所以真係好好食。而佢個沙律份量都好足，仲有好多芝士粉同芝士碎，夠晒FRESH。細妹就叫左個 和風牛柳粒定食，佢個份量都唔少。前菜係日式螺肉，仲有麵豉湯。主菜是牛柳粒，切成一口大小嘅牛柳粒肉質嫩滑，肉質唔乾身，而且咬落有肉汁，非常Juicy再配上和風醬汁，佐飯一流。食完正餐又點少得令人回回味無窮嘅麻薯窩夫，今次我地叫左海鹽焦糖比利時朱古力麻薯窩夫。窩夫外脆內軟而且朱古力味濃，加上Q彈煙靭嘅麻糬，同埋海鹽焦糖醬、黑糖蒟蒻及朱古力雪糕，整
餐廳地方都好闊落，有好多大嘅落地玻璃，自然光嘅氣氛令人坐得好放鬆又舒服。
我地叫左兩個LUNCH SET，再加上店內主打嘅麻薯窩夫，真係食得超滿足。先嚟LUNCH SET加配嘅特濃朱古力，細妹話個朱古力濃得嚟唔太甜，啱佢口味。我就叫左杯LATTE，店員哥哥仲介紹我升級SOE2嘅咖啡豆，入口會更香濃而且帶少少甜品，咁又真係冇介紹錯，我依個咖啡初哥又學到嘢啦！
我就叫左個烤軟殼蟹配凱撒沙律，大大隻軟殼蟹上枱已經好吸睛，炸得外脆內軟，香口得嚟又脆卜卜，而且仲一啲都唔油，所以真係好好食。而佢個沙律份量都好足，仲有好多芝士粉同芝士碎，夠晒FRESH。
細妹就叫左個 和風牛柳粒定食，佢個份量都唔少。前菜係日式螺肉，仲有麵豉湯。主菜是牛柳粒，切成一口大小嘅牛柳粒肉質嫩滑，肉質唔乾身，而且咬落有肉汁，非常Juicy再配上和風醬汁，佐飯一流。
食完正餐又點少得令人回回味無窮嘅麻薯窩夫，今次我地叫左海鹽焦糖比利時朱古力麻薯窩夫。窩夫外脆內軟而且朱古力味濃，加上Q彈煙靭嘅麻糬，同埋海鹽焦糖醬、黑糖蒟蒻及朱古力雪糕，整個口感真係超級豐富，最好就係唔太甜，食多啲都唔會好有罪惡感呀…哈哈哈！
張貼
