Proton

營業中

休息中

同朋友好耐冇見，搵咗元朗呢間食西餐慢慢傾。我哋叫咗兩個set加個甜品。Lunch set會跟麵包沙律或餐湯。同朋友都揀咗麵包沙律。Set F - 蒜蝦澳洲西冷扒，有機生菜，薯餅煎蛋前菜沙律好新鮮，豐富牛扒朋友選擇7成熟，我略嫌有點熟，比我會揀5成熟但係牛扒幾厚切，好大塊，而西冷扒脂肪少，不算肥，肉味濃有咬口及多汁。 配菜則有我最愛的薯餅，好味。Set C - 帆立貝，三文魚子，明太子忌廉手工意大利麵我本身就好鍾意食意粉同帆立貝明太子，一見到呢個set諗都唔洗諗就已經決定要叫個。一到咗，就已經聞到好香嘅明太子同帆立貝味。而帆立貝好大粒，配合明太子濃郁嘅忌廉醬汁，係完美嘅配合再加上三文魚子令口感更加豐富，只係略嫌意粉有啲腍唔夠彈牙，但味道都出色，每一口都食到明太子海鮮醬汁味。草莓芝雪山呢款甜品有窩夫 配搭一塊芝士蛋糕、士多啤梨雪糕、新鮮士多啤梨及粟米片。鍾意食士多啤梨嘅我好滿足，鍾意呢個配搭，味道亦都好夾。