露營生活

營業中

休息中

朋友約我去露營，原來係去銅鑼灣露營餐廳燒嘢食。一入到餐廳，被寬敞環境吸引，一張張休閒嘅露營椅和燒烤爐，加上放了不同露營用品嘅擺設、月亮主題嘅掛畫和燈飾，真係俾佢嘅氛圍令我有一刻置身於camp site嘅感覺。除此之外，餐廳還有露天嘅地方燒嘢食，環境休閒舒適。海之幸刺身沙律絕對有驚喜，沙律菜新鮮，雜錦刺身都好新鮮，而且份量頗多，把整個沙律菜都蓋過，性價比極高。白鱔(配鰻魚汁)先食一件沒有任何醬汁，白鱔夠厚切，肉質彈牙，魚油味濃郁。另一件塗上鰻魚汁一齊燒，味道另有一番風味。日本番薯本身唔係太鍾意食番薯，不過朋友堅持要食。先試一塊，原來味道超甜，之後變咗同朋友搶食。赤雞上腿肉(柚子醬汁味)赤雞肉質鮮嫩，口感彈牙，配上柚子汁一齊食，能解去油膩。宮崎和牛 （特上牛小排）牛嘅油脂分布平均，有入口即溶感覺，配上自家製醬汁醃製，充份帶出牛嘅濃郁味道。牛舌厚切夠厚切，口感一流，肉質柔嫩，一啲都唔韌，可能係用上牛舌芯嘅關係。鍾意牛舌嘅真係必食。月見燒海苔拌飯（配溫泉蛋）日本米嘅上面蓋上滿滿嘅海苔，將附上嘅流心溫泉蛋撈勻一齊食，超好味。