渝老大 (砵蘭街)

營業中

休息中

出嚟太子揼骨，又週圍搵嘢食～～今日响砵蘭街見有間川菜都唔錯～午餐有幾多嘅選擇，加$12跟白飯同一杯嘢飲～金湯酸菜魚（$88）：佢用鱸魚，魚肉都幾滑，有肉有骨～酸菜好明顯有炒香，仲有萵筍同粉絲！好餸飯，十分惹味！！大碗臘肉炒花菜（$78）：老細最愛福花菜！我反而好欣賞個臘肉～因為佢嘅煙燻味真係好出！而且一食就食到個家鄉嘅味道～啲肉皮係煙煙韌韌，好有咬口嗰種～食過你就會明我講乜～🤭😋小炒黃牛肉（$88）：啲牛肉好嫩滑，但係絕對唔係鬆肉粉乸到淋曬嗰款～用咗好多青椒，但又唔會太辣，好惹味！！咸檸檬雪碧：竟然一杯用半個鹹檸檬？！佢啲咸檸檬幾香～唔會死鹹，配川菜真係一流！！