家賀屋刺身寿司專門店

灣仔近大有商場，入街市路口，有間上樓嘅日本菜。主要食壽司，丼飯，刺身。之前中午食過午餐，丼飯有好多選擇，材料都新鮮。今次同埋朋友嚟食晚餐，座位有啲西餐廳感覺，白雲石枱加上金色梳化。座位大約30個，仲有一間VIP房。家賀壽司大大件，有蔥花吞拿魚蓉，上面係牡丹蝦，在上邊係海膽，整件壽司重到拖住個碟，感覺好墜手。鮟鱇魚肝壽司原來一啲都唔油膩，配上少少酸jelly，又幾好食。鹽燒吞拿魚胶份量超大，個面珠同我個手掌一樣size。食落啖啖肉，燒得好香口。法國 st martini 生蠔，size唔算大，但好脆邊同 fresh。