Homeland (牡丹大廈) (已搬遷) 新店位置

今晚黎咗大角咀既小店homeland，入到黎叫咗杯爆炸玫瑰荔枝梳打，入面有三粒荔枝同爆爆珠，職員仲提供咗包爆炸糖比我，飲落去真係有爆炸既感覺，鐘意試新嘢嘅朋友一定唔可以錯過。頭盤叫煙三文魚凱撒沙律，面層有大大份三文魚卷，卷得好靚，啲醬溝得好均勻唔會一啲好淡一啲好濃 ，重點係啲蔬菜真係好大碟，$58真係好抵食。跟住叫咗個招牌明太子海鮮薄餅，個pizza餅底好薄，咬落好脆，明太子味道食到十分濃郁，估唔到明太子同Pizza都好夾。呢到仲有其他菜式都好吸引，下次有機會要再黎試。