影片
更多
2022-05-22
84 瀏覽
呢間餃子店喺我嘅飲食名單上面好耐，之前經過兩次，外邊好多人排隊所以最後放棄咗，今日特登早啲去到，大概5:30左右，雖然避開左平時多人嘅時間但係已經差唔多枱枱都full，好彩等咗一兩分鐘就有位。入到去感覺到係一家人經營嘅餐廳，裝修唔算好豪華，但係勝在人情味搭救，喺我哋枱後面就已經見到有人默默包餃子，樓面都態度好親切！Menu選擇集中，通常嚟到嘅都係叫餃子，另外仲有粉麵同飯，不過我見差唔多每一台都係叫餃子同埋佢哋最出名嘅芝士蛋糕。餃子口味有八款，我地叫左: —-煎餃 $42 + $2雙拼: 韭菜豬肉餃+ 香菇粟米雞肉餃煎餃等咗大概5-6分鐘就有，兩邊煎得金黃色，靚仔之餘唔會食落去太油膩，皮薄不特止，入邊嘅肉質都保留左鮮味，每一啖都有肉汁，韭菜豬肉餃好香，香菇粟米餃嘅粟米都好甜！—-湯餃$38 + $2 雙拼: 洋蔥豬肉餃+ 菠菜豬肉餃湯餃嘅湯底係自家煲嘅粉葛赤小豆湯，今日有幸撞到老闆，所以問吓湯底會唔會成日轉，佢就話為咗師傅嘅方便，而家就固定左。完全飲得出係自家煲嘅，完全冇味精，我成碗飲晒添！洋蔥豬肉餃有驚喜，本身唔鍾意食洋蔥，但係我食得到洋蔥嘅甜味，配上豬肉做湯餃又幾正喎！波菜同樣都係好
入到去感覺到係一家人經營嘅餐廳，裝修唔算好豪華，但係勝在人情味搭救，喺我哋枱後面就已經見到有人默默包餃子，樓面都態度好親切！Menu選擇集中，通常嚟到嘅都係叫餃子，另外仲有粉麵同飯，不過我見差唔多每一台都係叫餃子同埋佢哋最出名嘅芝士蛋糕。
餃子口味有八款，我地叫左:
—-煎餃 $42 + $2雙拼: 韭菜豬肉餃+ 香菇粟米雞肉餃
煎餃等咗大概5-6分鐘就有，兩邊煎得金黃色，靚仔之餘唔會食落去太油膩，皮薄不特止，入邊嘅肉質都保留左鮮味，每一啖都有肉汁，韭菜豬肉餃好香，香菇粟米餃嘅粟米都好甜！
—-湯餃$38 + $2 雙拼: 洋蔥豬肉餃+ 菠菜豬肉餃
湯餃嘅湯底係自家煲嘅粉葛赤小豆湯，今日有幸撞到老闆，所以問吓湯底會唔會成日轉，佢就話為咗師傅嘅方便，而家就固定左。完全飲得出係自家煲嘅，完全冇味精，我成碗飲晒添！洋蔥豬肉餃有驚喜，本身唔鍾意食洋蔥，但係我食得到洋蔥嘅甜味，配上豬肉做湯餃又幾正喎！波菜同樣都係好足料，每食一啖都有好多豬肉同埋菠菜，絕對唔馬虎。
—小食叫咗炸雞翼$27 四隻同豆漿$10
雞翼炸得好透但食落唔會乾身而且都入味，鹹鹹地，好快就俾我哋KO左。豆漿唔係岀面死甜。
—原味芝士蛋糕同埋開心果味芝士蛋糕
每日有兩款供應，除咗原味之外，有一款特別口味，今日就係開心果啦。本身我哋食咗原味先，好滑好creamy，已經覺得呢個價錢抵啲個蛋糕綽綽有餘。食開心果第一個感覺係入口之後個味道係湧出來嘅，估唔到可以咁濃，而且真係好滑！自己覺得開心果味仲較為岀色！
總結：家庭式經營，餃子做到皮薄餡靚，芝士蛋糕亦都有驚喜。如果要黎嘅要早少少，我哋食完之後大概6:15左右，出邊門口已經有十幾個人等緊。除咗係排隊之餘，都係為咗食個芝士蛋糕，因為我哋落單嘅時候係仲未有芝士蛋糕嘅，係食到最尾嗰陣老闆一放啲蛋糕出嚟，已經差唔多每枱要為左個蛋糕加單！
張貼
