上海婆婆 (黃大仙中心北館)

營業中

休息中

今日同爹D嚟到上海婆婆食上海菜，除咗黃大仙分店，我哋之前都有去尖沙咀分店，價錢親民，質素有保證，菜式份量足且充滿家常風味，成為我哋的飯堂。上海小籠包（4隻）皮薄餡靚，輕輕一咬，鮮甜肉汁溢出，豬肉餡調味恰到好處，蘸點陳醋更鮮。 生煎包（3隻）底部煎得金黃酥脆，內餡多汁飽滿。上桌時熱辣燙口。 糖醋魚塊魚塊外脆內嫩，醬汁酸甜開胃，魚肉無骨且炸衣不厚，配有菠蘿，蕃茄青椒同洋蔥。麵筋素雞燒豆腐 呢個係素食，豆腐滑嫩、麵筋吸飽醬汁，素雞口感紮實，醬油香濃帶有麻油香，充滿上海家常菜的鑊氣。 婆婆粒粒炒飯鑊氣十足！米飯粒粒分明，配料豐富，臘腸粒非常之香，蝦仁好多，份量超多。豆漿 豆香濃郁且不會過甜。