一家

營業中

休息中

隨著時間的推移，舊貌换新顏，形薈呢個商場有人離場，但亦都有新食肆加入，呢日發現咗有間上海滬菜小館，出邊門面裝修幾吸引，再望下啲餐牌，都好啱胃口，於是一於入來試吓。了解咗一至五嘅午市免茶嘅，一律供應四寶茶，有冇第二啲茶選擇？係冇嘅，但四寶茶唔係度度都有得飲，而且老少皆宜，可以免費嘆，正。“椒鹽小黃魚"，小黃魚好似係上海菜的靈魂，聽朋友講，宜家喺上海食個黃魚面都唔平，但係喺香港食到炸到金黃，外皮脆卜卜，入邊啲肉好嫩滑，而成個餐只係六十零蚊，仲有前菜同埋例湯，今日嘅前菜係菜脯，例湯係粉葛湯，好滿足。"咖喱牛筋腩"就唔會太辣，筋腩各佔一半，啱曬鍾意牛筋嘅我同埋鍾意牛腩嘅朋友，平靚正嘅一餐。