瀧宴日本料理

營業中

休息中

爭啲唔記得過幾日係同老公嘅拍拖紀念日，提前WhatsApp 同餐廳book 食飯。1）自家製醬汁煮南非鮑魚第一道餸就已經食飽魚，呢個餐真係非常矜貴，鮑魚煮得好腍，醬汁濃郁美味，配合鮑魚天衣無縫，口感豐富。2） 季節刺身三款今日嘅三款刺身，分別係竹籤魚，鯛魚同油甘魚，竹籤魚經過火炙，多了一份焦香，油脂迫咗出嚟，味道更加平衡細膩。鯛魚肉質細緻柔軟，味道淡雅卻帶點鮮甜的滋味。油甘魚肉質口感幼滑細膩，美味鮮甜。3） 金鎗魚腩手卷呢個最特別嘅係平時嘅手卷係用紫菜包，而呢個就用米餅做，廚師話咁樣做係可以令到個手卷唔會變腍。4） 海鮮茶碗蒸食日本料理大多數會有嘅食物，呢個茶碗蒸用咗蟹肉同菇嚟整，口感軟滑，味道濃郁，貌似清淡卻有深沉嘅口感。5） 季節吸物裏面包含咗柚子，蘿蔔，青瓜，苦瓜嘅漬物，其中蘿蔔是心裏美蘿蔔，我覺得非常特別。6） 野生生猛龍蝦採用澳洲龍蝦，原隻開邊龍蝦香煎後，配龍蝦膏煮的醬汁，彈牙的龍蝦肉配上龍蝦膏煮嘅醬汁，濃郁之餘又不失龍蝦的鮮味。7） 香煎鵝肝配自家製醬汁鵝肝一向都係我嘅最愛，口感細膩滑嫩，極像食奶油一般，味道鮮甜，並有著內臟類獨特的醇厚香氣，香煎後把油逼出來，然後一口一啖。