大滾友火鍋 (紅棉大廈)

營業中

休息中

早咗收工就同朋友嚟打個邊爐先，雖然以前都食過大滾友嘅打邊爐，但係呢間真係好方便同舒服，位置坐落喺荃灣千色店附近。裝修格局同其他分店一樣，好有中國風。我同朋友叫咗幾樣經典菜式，都推介俾大家：佢嘅招牌花膠雞湯底真係冇得頂，開胃兼養顏。啲雞好新鮮，餚出嚟嘅湯底真係好濃味，再加上用優質嘅花膠，食完真係好補，皮膚都好啲。我哋都叫咗兩隻鮑魚，最建議真係放落滾湯烚5分鐘就食得，勁彈牙新鮮。另外叫咗唔同嘅牛肉同牛舌，都好新鮮彈牙，好有牛味。整體嚟講好值得推介嘅一間打邊爐，同三五知己敘舊一流。