滾得囍宮廷火鍋小炒 (已改名) 查看

宮廷風主題火鍋店 — 滾得囍宮廷火鍋小炒呢一間位於北角嘅宮廷風主題火鍋店，無論裝修、擺盤、餐具都好有特色，門口仲有張龍椅，重可以借古裝服飾影相📸️康熙花膠雞湯鍋湯底係選用龍崗雞每日熬製8小時以上！湯底包咗成碟花膠！影完相之後店員會幫手剪開方便食用，湯底冇乜雞油，飲落去唔會好膩，花膠同埋雞件嘅份量好多貴妃出浴手切本地牛肉($348)即係本地牛頸脊，牛肉捲成玫瑰🌹油花分佈平均，北海道3.6牛乳更放上花瓣，可以將牛肉浸泡在牛乳內大約1-2分鐘先煮，食起黎會有淡淡奶香，食落口感有嚼勁。手打芝心牛肉丸($78)真係一咬都爆曬啲芝士漿😍黃金雙拼($88) 必食！雙拼即係鹹蛋黃炸響鈴+炸魚皮，真係好邪惡，即叫即炸！外皮沾滿鹹蛋黃，咬落鹹香十足，香口酥脆五色蔬菜拼盤($88)包括有紫淮山、冬瓜、蓮藕、薯仔同蕃茄五種蔬菜🥬好健康！竹蔗茅根($78)揀了一渣竹蔗茅根，夠冰凍！可以清熱下火 ！