成都老碼頭火鍋 (已結業)

鍾意麻辣火鍋既朋友，今次有正野推介你地喇！單點高質靚裝修既火鍋，唔知大家有無興趣呢！呢間宮廷風既火鍋最出名就係佢既「老碼頭全紅 - 無渣紅油麻辣湯」食得辣既朋友真係可以試下😎👅自選鴛鴦兩款（老碼頭全紅 - 無渣紅油麻辣湯，豬骨湯）$188老碼頭全紅揀左少辣，真係好過癮，佢唔係死辣，仲有啲麻，越食越想食🤤至於豬骨係叫黎打底，萬一投降食唔到辣都仲有一邊，點知都有驚喜，好多菇做底，幾香😳👅 鵝腸 $88麻辣火鍋必備，超正，爽口彈牙😋👅 黃喉 $48呢個好少見有得食，呢到竟然都有，一定要叫，份量都多～👅 牛胸爽 $70呢個好香口，脂肪比例高，薄薄地唔會滯。👅 筷子牛肉 $88呢個一定要試，長長既牛肉浪喺筷子，有醃過，辣辣地，超級滑，估唔到既口感，好好食🤤👅 咸蛋流沙魚蛋丸 $38呢個真係必叫，勁好食！！好流心，咸香味又夠，做到起沙感覺😍👅 珊瑚蚌 $68份量都多，切得都大舊，有口感～👅 手工西洋菜餃 $39皮薄，脹卜卜，西洋菜都唔苦，夠新鮮。👅 稻庭烏冬 $32估唔到烏冬都唔馬虎，係煙韌嗰種，最後先食仲索哂個湯底既精華😳