香香宮煮 (金輝大廈)

營業中

休息中

入到去好似入咗皇宮咁，古色古香嘅裝修，好靚。雍穆公主花膠雞湯鍋 我地叫咗半隻，d雞好嫩滑，個湯金黃色，飲落好鮮甜，入面仲有厚厚嘅花膠，花膠好淋滑，飲完個湯好滋寶。聖子皇真係好大隻，好新鮮，肉質爽彈，好鮮甜。艾莎公主牛肉寶盒，包括7款唔同牛嘅部位手切牛崩沙，手切本地牛，新鮮牛展，頂級雪花肥牛，牛黃喉，牛肉粒和牛舌花，每款牛都好新鮮，肥瘦均勻，好重牛味真龍蝦豚肉餃豚肉加埋龍蝦肉，都幾新穎，食落好鮮味，肉涵好嫩，唔錯。即炸黃金響鈴即叫即炸，熱辣辣，食落好香咸蛋黃味，好香口，自家製足料竹蔗茅根一邊打邊爐一邊飲，覺得唔會咁熱氣，唔算太甜，好清爽。