火土燒肉

同朋友約去露營但係講咗2年都未成行，咁就嚟住呢個露營風餐廳止住露營癮先🫡餐廳全部櫈同餐具都係用露營用品，有得涼住冷氣咁感受露營氣氛好有儀式感🤣而且仲有室外位置，更加有feel😎▫️A5宮崎和牛幻切沙巴當 ($298)牛肉使用幻切嘅切割技術，可以最大程度咁保留肉嘅柔軟度，加上宮崎和牛本身就好高質，所以強烈推薦要點❗️店員會幫手燒同問我哋想燒到幾成熟🤓肉質柔嫩又重肉味，唔洗點醬汁都已經好好食，食落油脂仲好豐富，食幾舊我就開始飽飽哋🤣▫️燒肉拼盤 ($398)拼盤岩曬我呢啲選擇困難症病人🤣呢個拼盤包括牛肋肉、牛舌、牛胸腹、伊比利亞豚肋條、豚五花同雞腿肉。牛肉好食就意料之內，無諗到最驚艷係豚肋條，肉味超濃郁，爽口唔會韌！▫️玉子海苔飯 ($28)食燒肉我習慣一定會叫紫菜飯，白飯撈埋蛋汁同紫菜真係好好味🥹呢度環境好之餘店員亦好主動，覺得露營坐得唔舒服嘅大家都有普通座位可以揀，推薦鍾意燒肉又熱愛打卡嘅大家試吓🥰