影片
更多
2023-12-15
16 瀏覽
第一次食omakase，始終價錢都唔算平，研究咗好耐先決定到揀呢間。食完可以大大咁話，呢間係絕對唔會令你後悔嘅店❤️.廚師好用心介紹每一道菜嘅煮法同食材，務求令我哋品嘗到菜式嘅最大價值。服務亦都係無微不至，顧客至上。既然佢哋咁用心尊重食物同客人，我都用心啲打食評讚揚佢哋🤣🤣.前菜- 魚子醬蟹肉昆布蘿蔔湯（好重蟹鮮味，加上昆布將蟹味提升到另一個層次）- 昆布鰻魚（同平時濃濃嘅鰻魚唔同，係種好清新嘅淡淡鰻魚香）- 花竹蝦&豆腐（蝦好爽口彈牙，豆腐嘅大豆味重，釀入蝦身好夾）- 希靈魚籽&吞拿魚木魚花（希靈魚籽容易好腥好臭，但呢度完全冇，係食得出嘅新鮮）- 鴨胸（有別於常見嘅煙鴨胸，用蘋果汁煮，加埋都係甜甜嘅黑豆，配搭極佳）.刺身- 白身魚&昆布汁（魚肉鮮嫩彈牙，配合紫蘇葉花另有一番風味）- 赤貝（新鮮爽口，加少少即磨wasabi已經夠）- 帶子（質地軟糯，用檸檬汁帶出鮮味）- 北海道希靈魚（燒過表面，所以好香魚油）- 拖羅（七味調料有少少辣，拖羅食落入口即溶）.蒸物/煮物/燒物- 香箱蟹（又名松葉蟹嘅雌性，係季節性限定。蟹肉非常鮮甜，蟹膏極度香濃有埋蟹籽，配上炸嘅牛蒡增加口感）- 金鯛（魚肉係
.
廚師好用心介紹每一道菜嘅煮法同食材，務求令我哋品嘗到菜式嘅最大價值。服務亦都係無微不至，顧客至上。既然佢哋咁用心尊重食物同客人，我都用心啲打食評讚揚佢哋🤣🤣
.
前菜
- 魚子醬蟹肉昆布蘿蔔湯（好重蟹鮮味，加上昆布將蟹味提升到另一個層次）
- 昆布鰻魚（同平時濃濃嘅鰻魚唔同，係種好清新嘅淡淡鰻魚香）
- 花竹蝦&豆腐（蝦好爽口彈牙，豆腐嘅大豆味重，釀入蝦身好夾）
- 希靈魚籽&吞拿魚木魚花（希靈魚籽容易好腥好臭，但呢度完全冇，係食得出嘅新鮮）
- 鴨胸（有別於常見嘅煙鴨胸，用蘋果汁煮，加埋都係甜甜嘅黑豆，配搭極佳）
.
刺身
- 白身魚&昆布汁（魚肉鮮嫩彈牙，配合紫蘇葉花另有一番風味）
- 赤貝（新鮮爽口，加少少即磨wasabi已經夠）
- 帶子（質地軟糯，用檸檬汁帶出鮮味）
- 北海道希靈魚（燒過表面，所以好香魚油）
- 拖羅（七味調料有少少辣，拖羅食落入口即溶）
.
蒸物/煮物/燒物
- 香箱蟹（又名松葉蟹嘅雌性，係季節性限定。蟹肉非常鮮甜，蟹膏極度香濃有埋蟹籽，配上炸嘅牛蒡增加口感）
- 金鯛（魚肉係用汁煮，食落結實但係唔粗糙，煮得岩岩好。魚皮用立鱗燒嘅煮法炸到好脆，雙重口感好有驚喜）
- 鯖魚（燒過逼出啲魚油香，質地軟綿綿，入口有少少化開。綠色汁係春菊，白色汁係椰菜花，好特別但出奇好味嘅配搭）
.
壽司
- 池魚（九條蔥+薑蓉作調味，質地好軟，食得出魚肉嘅新鮮）
- 松皮鰈魚（上面佢嘅裙邊，肉質彈牙）
- 深海魚喜之次（輕輕燒過，有少少咬口但唔會靭）
- 赤身（醬油漬再加紫蘇葉，帶出吞拿魚嘅香味）
- 生蠔（用昆布包住，上面係紫海膽，味道香濃而且完全唔腥臭）
- 穴子（甜甜嘅醬汁帶出好香鰻魚味，骨好幼可以吞埋）
- 香蔥拖羅手卷（拖羅蓉入口即溶，蔥味濃有咬口，兩者係完美結合！）
- 江戶前玉子燒（上面似蛋糕表面，下面就係帶有鹹味嘅玉子燒）
.
湯/甜品
- 麵豉湯（用蝦同魚去煲，所以味道好鮮甜）
- 靜岡士多啤梨
- 清酒啫喱&香印提子（用自家製嘅清酒製作，清酒味超級濃烈）
.
俾得呢個價錢，自然抱有好大嘅期望咁去，最後絕毫任何失望，仲飲飽食醉咁走，大推大推！🥰
張貼
