宴．鐡板燒 (亨環‧天后)

營業中

休息中

宴•鐵板燒位於天后，地理位置優越，除咗方便之餘，仲飽覽維港景色，如果早少少到仲可以欣賞浪漫嘅日落🌅餐廳嘅食物都係行高尚路線，食材上乘，每一道菜嘅細節都做得好完美。開胃小菜已經有三款，當中我最鍾意沖繩水雲配松葉蟹肉。水雲酸酸地非常開胃，松葉蟹肉好鮮甜，另外京都豆乳豆腐都整得好滑好香豆味，支豆茸栗子都非常有特色。第三度前菜用雪魚片dip落明太子薯茸，香脆可口好食到停唔到口😋然後就到主菜，不論係淡雪鹽及松露油調味嘅九洲真鯛、醬油配深海池魚、右口魚，材料都係非常新鮮，好有魚味，調味亦都係恰到好處，唔會功高蓋主。接住落嚟北海道帆立貝亦都係無懈可擊，用紫菜湯舖底吸收咗帆立貝嘅精華，又清甜又解膩，帆立貝大大隻又新鮮又彈牙，鍾意海鮮嘅你一定食過返尋味！然後到一份熟食，淋返龍蝦膏落燒龍蝦肉，口感豐富鮮甜有咬口，火候剛剛好將龍蝦嘅鮮味迫晒出嚟。最後加埋炒飯及野菜，成餐飯又飽又滿足～總括而言，成餐飯嘅安排無論係環境、食材等都係回味無窮嘅體驗，廚師悉心安排每一道菜嘅調味以及上菜先後次序，生熟亦都拿捏到位。如果想對自己好啲食返餐好，一定要試吓宴•鐵板燒！