秋拾米線

營業中

休息中

買咗兩碗米線同蝦多士，5:30去到都唔少人排隊，有個男仔黑口黑面冇尾音咁落單，算啦，都係試下係咪咁好食啫…等左廿幾分鐘完全冇行開，見到有啲外賣擺喺櫈，黑面男見我企喺門口咁耐亦都明知我係等外賣，個外賣有得拎都唔出聲。直到我隔多五分鐘覺得唔對路，問黑面男個外賣有未？佢先行過去張櫈拎個外賣俾我，咁即係我唔問個外賣有未，我都唔知幾耐先有人叫我拎。兩碗米線死辣，bb辣同中辣都辣到食唔落，死辣冇酸香味，豬頸肉硬柴勁油，啲油多到浸晒成個外賣盒底。蝦多士係唯一正常，但唔算出色。如果以米線質素，我真係食番數字哥同方向記好過，起碼啲阿姐都對你有禮貌啲先。