影片
更多
2018-07-08
494 瀏覽
同朋友第一次試呢間，睇佢價位以為應該有返咁上下，點知豬扒柴嘅，皮還皮肉還肉咁，服務又差，完全唔掂。開頭等緊炸豬扒嘅時候，我地開始研磨左啲芝麻先，上左椰菜嘅時候就諗住食左先，一陣再磨啦，點知一放低支棒，就比個經理收左，見隔離枱上齊哂餐都未收，唔明點解咁急！負責我地區域嘅侍應叫佢加茶叫左幾次都冇左回事，而當時我地坐嘅區域得六張枱同埋有兩張吉嘅，係唔係忙得咁緊要？要求refill椰菜同青瓜（正常係應該負責侍應巡視時自己refill而唔應該我地提出）行到埋黎問我地係咪唔洗加青瓜，我同朋友即刻對望呆一呆，係咪聽唔到我地要加青瓜定冇心做野？食物方面，我地兩個都點左$188自選套餐，有兩個前菜，一份炸物，一份甜品。我地一個食炸豬排，一個食炸豬柳。上炸物時真係好失望，見到塊皮濕到痴住個網，一夾起仲係皮肉分開，完全唔得！一食落口就係柴嘅添啲肉質。覺得一啲都唔值呢個價錢。主食食哂之後，成枱都係吉碟，但都未到入座時講嘅90分鐘用餐時間，而且餐廳仲有好多吉枱，侍應走埋黎話幫我地收一收啲碟。咁我同朋友都以為係收左啲前菜嘅碟啦，因為仲諗住食多少少椰菜清下熱氣感同傾下計。點知第一下就收左我地筷子同所有碟，淨返兜椰菜
開頭等緊炸豬扒嘅時候，我地開始研磨左啲芝麻先，上左椰菜嘅時候就諗住食左先，一陣再磨啦，點知一放低支棒，就比個經理收左，見隔離枱上齊哂餐都未收，唔明點解咁急！
負責我地區域嘅侍應叫佢加茶叫左幾次都冇左回事，而當時我地坐嘅區域得六張枱同埋有兩張吉嘅，係唔係忙得咁緊要？
要求refill椰菜同青瓜（正常係應該負責侍應巡視時自己refill而唔應該我地提出）行到埋黎問我地係咪唔洗加青瓜，我同朋友即刻對望呆一呆，係咪聽唔到我地要加青瓜定冇心做野？
食物方面，我地兩個都點左$188自選套餐，有兩個前菜，一份炸物，一份甜品。我地一個食炸豬排，一個食炸豬柳。上炸物時真係好失望，見到塊皮濕到痴住個網，一夾起仲係皮肉分開，完全唔得！一食落口就係柴嘅添啲肉質。覺得一啲都唔值呢個價錢。
主食食哂之後，成枱都係吉碟，但都未到入座時講嘅90分鐘用餐時間，而且餐廳仲有好多吉枱，侍應走埋黎話幫我地收一收啲碟。咁我同朋友都以為係收左啲前菜嘅碟啦，因為仲諗住食多少少椰菜清下熱氣感同傾下計。點知第一下就收左我地筷子同所有碟，淨返兜椰菜。然後問我地仲要唔要，係咪搞笑左啲呀？收哂筷子同碟仲問我食唔食椰菜？我係咪應該用手食？ 我完全唔期望要被視為上賓咁看待，但最少收呢個價錢，服務態度同侍應對答唔應該差成咁囉！
最後清淨我地杯茶，無非係想焗我地埋單姐，但我地仲有個甜品未上，問該區侍應上得未，就答我地睇下係咪有呢個甜品先，其實單都係佢自己本人落，如果咁心急想趕客走，要上齊野食係好基本，連我地差咩都唔記得，自問食左好多餐廳，侍應都會適時自動問甜品上得未，但呢間勝博殿嘅服務質素係奇差。
只此一次，永不回頭，絕不推薦。
$188
34 瀏覽
0 讚好
0 留言
張貼
