By The O Studio (益富閣)

營業中

休息中

以前係高兩層樓嘅夏雪，而家係By the O，而且只有一層，據聞係開兩層會做唔切，所以座位得二十個左右。安排入座其實有啲亂，好多人都唔知原來係攞飛。星期六一點，我哋傻傻地喺由排隊排到兩點幾先知道係攞飛，最後都係決定下次再食。假日人好多，要食就真係要12點前到啦。仲有就係只收現金！*早餐 B $62假日都有好抵食嘅早餐！芝士煙三文魚奄列外層煎到微焦，入面保持到嫩滑，包住一層煙三文魚，相當厚身，份量超級多，調味略鹹。菠菜芝士薯仔波用氣炸方式炸到脆皮，同樣略鹹。牛角窩夫酥脆唔油膩，味道甜甜，我試過配奄列，鹹甜鹹甜怪怪的。蟹籽蟹肉明太子忌廉意粉 $108大份到不得了，食完可以飽足一日。意粉煮得啱啱好，份量基本上係1.5份。每一條都掛住明太子同埋蟹肉，鮮味十足，明太子濃郁，撈埋海量嘅蟹籽，脆卜卜，真係太強了吧。唯一可挑剔就係食到最後有啲乾。Latte $40感覺好薄身，咖啡味、奶味都一般般。